თბილისის სასულიერო აკადემიამ და სემინარიამ მისაღები გამოცდების განრიგი გამოაქვეყნა

საქართველოს საპატრიარქო

თბილისის სასულიერო აკადემიამ და სემინარიამ 2026–2027 სასწავლო წლისთვის საბაკალავრო და სამაგისტრო პროგრამებზე მისაღები გამოცდების განრიგი გამოაქვეყნა.

მისაღები გამოცდები 3 სექტემბრიდან 10 სექტემბრის ჩათვლით გაიმართება. გამოცდები ჩატარდება როგორც ზეპირი, ისე წერითი ფორმატით და მოიცავს ქრისტიანული მოძღვრების საფუძვლებს, საქართველოს ისტორიას, წმინდა წერილს, ქართულ ენასა და ლიტერატურას, უცხო ენას, ხოლო შესაბამისი პროგრამებისთვის – ხატვის გამოცდასაც.

გამოცდები გაიმართება შემდეგ პროგრამებზე:

* თეოლოგიის სამაგისტრო პროგრამა;
* თეოლოგიის საბაკალავრო პროგრამა;
* ქრისტიანული ფსიქოლოგიის საბაკალავრო პროგრამა;
* ქრისტიანული ხელოვნებათმცოდნეობის საბაკალავრო პროგრამა;
* საეკლესიო არქიტექტურის (ხუროთმოძღვრების), ხატწერის, დაზგური და მონუმენტური ხატწერის რესტავრაციის საბაკალავრო პროგრამა.

მისაღები გამოცდები ჩატარდება თბილისის სასულიერო აკადემიისა და სემინარიის მისამართზე: თბილისი, სიონის ქ. №13/40.

დამატებითი ინფორმაციის მიღება შესაძლებელია ვებგვერდზე [www.tsas.ge](http://www.tsas.ge), ელექტრონულ ფოსტაზე ან ტელეფონის ნომერზე 599 435 238.

მართლმადიდებელ ჟურნალისტთა კავშირი წერდა, სასულიერო სემინარიაში თეოლოგიის ფაკულტეტის სტუდენტებმა საბაკალავრო ნაშრომები დაიცვეს.

წაიკითხეთ ასევე