ზესტაფონში ახალმოწამეთა სახელობის ტაძრის სამრეკლოზე ჯვარი აღმართეს

მარგვეთისა და უბისის მიტროპოლიტი მელქისედეკი სასულიერო პირებთან ერთად. ფოტო: მარგვეთისა და უბისის ეპარქია

2026 წლის 29 ივლისს, მისმა ყოვლადუსამღვდელოესობამ, მარგვეთისა და უბისის ეპისკოპოსმა მელქისედეკმა (ხაჩიძე) ზესტაფონში, კვალითის დასახლებაში მდებარე ახალმოწამეთა სახელობის ტაძარში ჯვრის პარაკლისი გადაიხადა.

ღვთისმსახურების შემდეგ მეუფე მელქისედეკმა აკურთხა ჯვარი, რომლის აღმართვაც ტაძრის სამრეკლოზე საზეიმოდ განხორციელდა. აღნიშნული მოვლენა მნიშვნელოვანი ეტაპია ტაძრის განვითარებისა და სულიერი ცხოვრების განმტკიცების საქმეში.

აღსანიშნავია, რომ ახალმოწამეთა სახელობის ტაძრის ქტიტორი (აღმშენებელი) საქართველოს პარლამენტის წევრი ბეჟან წაქაძეა, რომლის მხარდაჭერით ტაძრის მშენებლობა და კეთილმოწყობა აქტიურად მიმდინარეობს.

ჯვრის კურთხევა და სამრეკლოზე მისი აღმართვა მართლმადიდებელი ეკლესიის ცხოვრებაში განსაკუთრებული მნიშვნელობის მოვლენაა, რომელიც ტაძრის სიწმინდისა და ქრისტიანული რწმენის სიმბოლოდ მიიჩნევა.

მართლმადიდებელ ჟურნალისტთა კავშირი წერდა, საქართველოს საპატრიარქოში „ღირებულებითი განათლების“ პროგრამაში ჩართული პირები დააჯილდოვეს.