გამოვიდა გაზეთ „საპატრიარქოს უწყებანის“ 2026 წლის მე-14 ნომერი

გაზეთ ,,საპატრიარქოს უწყებანის'' ახალი ნომრის გარეკანი

გამოვიდა გაზეთ „საპატრიარქოს უწყებანის“ 2026 წლის მე-14 ნომერი, რომელშიც მკითხველს საქართველოს მართლმადიდებელი ეკლესიის ცხოვრებასთან დაკავშირებული მრავალფეროვანი მასალა დახვდება.

გამოცემაში გამოქვეყნებულია სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმინდესი და უნეტარესი შიო III-ის ქადაგებები სვეტიცხოვლობის, წმინდა მოციქულთა პეტრესა და პავლეს ხსენებისა და წმინდა იოანე ნათლისმცემლის შობის დღესასწაულებზე.

გაზეთის „ქრონიკა, ინფორმაცია“ რუბრიკაში წარმოდგენილია მასალები კათოლიკოს-პატრიარქის შეხვედრების შესახებ საფრანგეთისა და ჩეხეთის ელჩებთან, ასევე კათოლიკური ეკლესიის წარმომადგენლებთან. გამოცემა ასევე მოიცავს ინფორმაციას თბილისის სასულიერო აკადემიისა და სემინარიის საქმიანობის, ტაძრის კურთხევის, ხელდასხმის, საპატრიარქოში გამართული შეხვედრებისა და საპატრიარქოს სკოლების ადმინისტრაციის წარმომადგენელთა შეკრების შესახებ.

ახალ ნომერში გამოქვეყნებულია კათოლიკოს-პატრიარქის სამძიმრის წერილები ქალბატონი ელენე აბაშიძისა და ბატონი ტარიელ ჭანტურიას გარდაცვალების გამო, ასევე მასალები ეროვნულ სასახლეში გალობის უნივერსიტეტის საანგარიშო კონცერტის, მთავარანგელოზ გაბრიელის კრებისა და სხვა მნიშვნელოვანი საეკლესიო მოვლენების შესახებ.

ცალკე ადგილი ეთმობა საქართველოს საპატრიარქოს საზოგადოებასთან ურთიერთობის სამსახურის საქმიანობას. მკითხველი გაეცნობა ბობოყვათის საპატრიარქო რეზიდენციაში გამართული საზაფხულო ბანაკის, პროექტების „საპყრობილეში ვიყავ და მოხვედით ჩემდა“, „ჯარის ბანაკი“, „კვალი ნათელი“ და რუბრიკის „ისტორიის ფურცელი“ მასალებს.

გაზეთ „საპატრიარქოს უწყებანის“ 2026 წლის მე-14 ნომრის შეძენა შესაძლებელია ტაძრებში, ჟურნალ-გაზეთების ჯიხურებსა და სპეციალურ სტენდებთან.

მართლმადიდებელ ჟურნალისტთა კავშირი წერდა, საქართველოში მართლმადიდებელი ქურთებისა და ეზიდების საეკლესიო თემი დაფუძნდა.