მართლმადიდებელი ეკლესია 7 ივლისს წმინდა იოანე ნათლისმცემლის შობას აღნიშნავს
იოანე ნათლისმცემლის ტაძარი სენაკში. ფოტო: მჟკ
მართლმადიდებელი სამოციქულო ეკლესია 7 ივლისს წმინდა იოანე ნათლისმცემლის შობის დღესასწაულს აღნიშნავს. ეს დღე საეკლესიო კალენდარში განსაკუთრებულ ადგილს იკავებს, რადგან წმინდა იოანე ნათლისმცემელი უფალ იესო ქრისტეს წინამორბედი, მაცხოვრის გზის განმამზადებელი და უკანასკნელი ძველი აღთქმის წინასწარმეტყველია.
სახარების მიხედვით, იოანე ნათლისმცემელი ღვთის განსაკუთრებული განგებულებით შეეძინათ ხანდაზმულ და უშვილო მშობლებს — მღვდელ ზაქარიასა და მართალ ელისაბედს. მთავარანგელოზმა გაბრიელმა ზაქარიას აუწყა, რომ მათ ეყოლებოდათ ძე, რომელიც ღვთის ერის სულიერი განახლებისთვის იქნებოდა მოწოდებული. იოანეს შობა სასწაულებრივ მოვლენად მიიჩნევა, რადგან მისი მშობლები უკვე მოხუცებულები იყვნენ.
წმინდა იოანე ნათლისმცემელმა უდაბნოში ასკეტური ცხოვრება აირჩია, ქადაგებდა სინანულს, მოუწოდებდა ხალხს ცოდვების მონანიებისა და ღვთისკენ მოქცევისაკენ. სწორედ მან მონათლა მდინარე იორდანეში უფალი იესო ქრისტე, რის გამოც ეკლესია მას „ნათლისმცემელს“ უწოდებს. ამ მოვლენით მსოფლიოს წინაშე პირველად აშკარად გამოიხატა ყოვლადწმინდა სამება — მამის ხმა ზეციდან, ძე იორდანეში და სულიწმინდა მტრედის სახით.
იოანე ნათლისმცემელი უშიშრად ამხელდა უსამართლობასა და ცოდვას, რის გამოც გალილეის მმართველის, ჰეროდე ანტიპას ბრძანებით დააპატიმრეს და მოგვიანებით თავი მოჰკვეთეს. ეკლესია მას პირველ მოწამედაც მიიჩნევს, რომელმაც სიმართლისთვის სიცოცხლე გასწირა.
წმინდა იოანე ნათლისმცემლის შობა იმ იშვიათ დღესასწაულთაგანია, როდესაც ეკლესია წმინდანის დაბადებას აღნიშნავს. საეკლესიო ტრადიციაში მხოლოდ სამი შობა აღინიშნება: უფალ იესო ქრისტესი, ყოვლადწმინდა ღვთისმშობლისა და წმინდა იოანე ნათლისმცემლის.
დღესასწაულთან დაკავშირებით საქართველოსა და მსოფლიოს მართლმადიდებლურ ტაძრებში საზეიმო ღვთისმსახურებები სრულდება. მრევლი წმინდა იოანე ნათლისმცემელს ევედრება სულიერ განმტკიცებას, სინანულის ნიჭსა და ჭეშმარიტების გზაზე მტკიცედ დგომას, რადგან იგი ქრისტიანული ეკლესიის ერთ-ერთ უდიდეს წმინდანად და მაცხოვრის წინამორბედად არის პატივდებული.
მართლმადიდებელ ჟურნალისტთა კავშირი წერდა, სრულიად საქართველოს კათოლიკოს-პატრიარქი შიო III 7 ივლისს სენაკში წირვას აღავლენს.
წაიკითხეთ ასევე
თბილისში წმინდა ნინოს ეკლესიის რეაბილიტაცია იგეგმება
შიო ჩიტაძის ქუჩაზე მდებარე ისტორიული ტაძრის პროექტი კონსტრუქციული მდგომარეობის გაუმჯობესებას, დაზიანებების აღმოფხვრასა და ავთენტური სახის შენარჩუნებას ითვალისწინებს.
სვეტიცხოვლის სარეაბილიტაციო სამუშაოების მომზადებაში იტალიური კომპანია ჩაერთო
კულტურის მინისტრი მაია ბითაძე ტაძარში არსებულ მდგომარეობასა და დაგეგმილ სამუშაოებს ადგილზე გაეცნო — კვლევები საერთაშორისო ექსპერტებისა და ქართველი სპეციალისტების მონაწილეობით წარიმართება.
მეუფე გიორგი: „ტექნოლოგია უნდა ემსახურებოდეს ადამიანს და არა პირიქით“
მარნეულისა და ჰუჯაბის ეპისკოპოსი ციფრული ფულის საკითხზე ფართო საზოგადოებრივი განხილვის, პირადი ცხოვრების დაცვისა და ნაღდი ფულის გამოყენების შესაძლებლობის შენარჩუნების აუცილებლობაზე საუბრობს.
მიტროპოლიტმა იოანემ წმინდა კვიპრიანესა და იუსტინას ტაძარში პარაკლისი აღასრულა
ღვთისმსახურება წმინდა დიდმოწამეთა დავით და კონსტანტინე მხეიძეების, მღვდელმოწამე კვიპრიანესა და ქალწულმოწამე იუსტინას ხსენების დღეს გაიმართა.
ფილადელფიაში სვეტიცხოვლობა საზეიმო ღვთისმსახურებით აღინიშნა
საღმრთო ლიტურგია ჩრდილოეთ ამერიკის ეპისკოპოსმა საბამ აღავლინა — მრევლს ღვთისმშობლის წილხვდომილობის ხატისა და წმინდა გაბრიელ ბერის წმინდა ნაწილების მოლოცვის შესაძლებლობა მიეცა.
საქართველოს საპატრიარქო განცხადებას ავრცელებს
საქართველოს საპატრიარქო 14 ოქტომბერს სამთავროს მონასტერში აღვლენილ ღვთისმსახურებასთან დაკავშირებით გავრცელებულ ინფორმაციას გამოეხმაურა და საეკლესიო თანამსახურების წესზე განმარტება გაავრცელა.