საპროტესტო აქცია ზუგდიდისა და ცაიშის ეპარქიის ორგანიზებით
საპროტესტო აქცია მშენებლობის წინააღმდეგ. ფოტო: ზუგდიდისა და ცაიშის ეპარქია
ზუგდიდში, ივერიის ყოვლადწმიდა ღვთისმშობლის სახელობის საკათედრო ტაძრის წინ, სადაც მსოფლიო მნიშვნელობის უდიდესი ქრისტიანული სიწმინდის – ყოვლადწმიდა ღვთისმშობლის პატიოსანი სამოსლის დაბრძანებაა დაგეგმილი, მრავალსართულიანი საცხოვრებელი კორპუსის მშენებლობის პროექტმა ადგილობრივი სასულიერო პირებისა და მრევლის პროტესტი გამოიწვია. ინფორმაციას ეპარქიის ოფიციალურ გვერდზე ვკითხულობთ.
აღნიშნულ საკითხთან დაკავშირებით, ზუგდიდისა და ცაიშის ეპარქიის ორგანიზებით, მშენებლობის ტერიტორიასთან მშვიდობიანი აქცია გაიმართა. აქციის ფარგლებში, სამშენებლო მოედნის წინ პარაკლისი აღავლინა ზუგდიდისა და ცაიშის მიტროპოლიტმა გერასიმემ.
ღონისძიებაში მონაწილეობდნენ სასულიერო პირები, მრევლი და მოქალაქეები, რომლებმაც კიდევ ერთხელ დააფიქსირეს თავიანთი უარყოფითი პოზიცია ტაძრის მიმდებარედ მრავალსართულიანი შენობის მშენებლობის მიმართ.
მათი განცხადებით, მსგავსი პროექტის განხორციელება მნიშვნელოვნად დაჩრდილავს ზუგდიდის ერთ-ერთ უმნიშვნელოვანეს სიწმინდეს და საფრთხეს შეუქმნის ქალაქის ისტორიულ, სულიერ და კულტურულ იერსახეს.
ზუგდიდისა და ცაიშის ეპარქია აღნიშნავს, რომ ტაძრის მიმდებარე სივრცის დაცვა განსაკუთრებული მნიშვნელობის საკითხია და შესაბამის უწყებებს გადაწყვეტილების გადახედვისკენ მოუწოდებს.
მართლმადიდებელ ჟურნალისტთა კავშირი წერდა, სვეტიცხოვლის ტაძრის მასშტაბური რეაბილიტაცია იწყება.
წაიკითხეთ ასევე
თბილისში წმინდა ნინოს ეკლესიის რეაბილიტაცია იგეგმება
შიო ჩიტაძის ქუჩაზე მდებარე ისტორიული ტაძრის პროექტი კონსტრუქციული მდგომარეობის გაუმჯობესებას, დაზიანებების აღმოფხვრასა და ავთენტური სახის შენარჩუნებას ითვალისწინებს.
სვეტიცხოვლის სარეაბილიტაციო სამუშაოების მომზადებაში იტალიური კომპანია ჩაერთო
კულტურის მინისტრი მაია ბითაძე ტაძარში არსებულ მდგომარეობასა და დაგეგმილ სამუშაოებს ადგილზე გაეცნო — კვლევები საერთაშორისო ექსპერტებისა და ქართველი სპეციალისტების მონაწილეობით წარიმართება.
მეუფე გიორგი: „ტექნოლოგია უნდა ემსახურებოდეს ადამიანს და არა პირიქით“
მარნეულისა და ჰუჯაბის ეპისკოპოსი ციფრული ფულის საკითხზე ფართო საზოგადოებრივი განხილვის, პირადი ცხოვრების დაცვისა და ნაღდი ფულის გამოყენების შესაძლებლობის შენარჩუნების აუცილებლობაზე საუბრობს.
მიტროპოლიტმა იოანემ წმინდა კვიპრიანესა და იუსტინას ტაძარში პარაკლისი აღასრულა
ღვთისმსახურება წმინდა დიდმოწამეთა დავით და კონსტანტინე მხეიძეების, მღვდელმოწამე კვიპრიანესა და ქალწულმოწამე იუსტინას ხსენების დღეს გაიმართა.
ფილადელფიაში სვეტიცხოვლობა საზეიმო ღვთისმსახურებით აღინიშნა
საღმრთო ლიტურგია ჩრდილოეთ ამერიკის ეპისკოპოსმა საბამ აღავლინა — მრევლს ღვთისმშობლის წილხვდომილობის ხატისა და წმინდა გაბრიელ ბერის წმინდა ნაწილების მოლოცვის შესაძლებლობა მიეცა.
საქართველოს საპატრიარქო განცხადებას ავრცელებს
საქართველოს საპატრიარქო 14 ოქტომბერს სამთავროს მონასტერში აღვლენილ ღვთისმსახურებასთან დაკავშირებით გავრცელებულ ინფორმაციას გამოეხმაურა და საეკლესიო თანამსახურების წესზე განმარტება გაავრცელა.