საქართველოს კათოლიკოს-პატრიარქი შიო III ლათინ კათოლიკეთა კავკასიის სამოციქულო ადმინისტრატორს შეხვდა
კათოლიკოს-პატრიარქის შეხვედრა კათოლიკე ეკლესიის წარმომადგენლებთან. ფოტო: საზუ
ამა წლის 2 ივლისს საქართველოს საპატრიარქოში უწმინდესი და უნეტარესი, სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი შიო III ლათინ კათოლიკეთა კავკასიის სამოციქულო ადმინისტრატორს, ეპისკოპოს ჯუზეპე პაზოტოსა და მის თანმხლებ კათოლიკე სასულიერო პირებს შეხვდა.
შეხვედრას ესწრებოდნენ სრულიად საქართველოს კათოლიკოს-პატრიარქის ქორეპისკოპოსი, ახალციხისა და ტაო-კლარჯეთის მიტროპოლიტი თეოდორე (ჭუაძე), საპატრიარქოს საგარეო საქმეთა განყოფილების ხელმძღვანელი, ზუგდიდისა და ცაიშის მიტროპოლიტი გერასიმე (შარაშენიძე), კათოლიკოს-პატრიარქის მდივანი დეკანოზი მიქაელ ბოტკოველი და საპატრიარქოს საზოგადოებასთან ურთიერთობის სამსახურის ხელმძღვანელი დეკანოზი ანდრია ჯაღმაიძე.
ეპისკოპოსმა ჯუზეპე პაზოტომ მის უწმინდესობას კათოლიკოს-პატრიარქად აღსაყდრება მიულოცა და ორ ეკლესიას შორის მეგობრული ურთიერთობის კიდევ უფრო გაღრმავების მზადყოფნა გამოთქვა.
თავის მხრივ, უწმინდესმა და უნეტარესმა შიო III-მ სტუმრებს მადლობა გადაუხადა მილოცვისთვის და განსაკუთრებული სითბოთი გაიხსენა ეპისკოპოს ჯუზეპე პაზოტოს კეთილგანწყობილი დამოკიდებულება ნეტარხსენებული კათოლიკოს-პატრიარქ ილია II-ის მიმართ.
შეხვედრისას მხარეებმა იმსჯელეს ზნეობრივი ღირებულებების, ოჯახის ინსტიტუტის მნიშვნელობის, ბიოეთიკის აქტუალური საკითხებისა და თანამედროვე მსოფლიოს წინაშე არსებული გამოწვევების შესახებ. ასევე ხაზი გაესვა მშვიდობის, ურთიერთპატივისცემისა და ეკლესიათაშორისი მეგობრული ურთიერთობების მნიშვნელობას.
მისმა უწმინდესობამ განსაკუთრებული ყურადღება გაამახვილა იმ მნიშვნელოვან თარიღზე, რომელსაც საქართველო წელს აღნიშნავს — ქვეყანაში ქრისტიანობის სახელმწიფო რელიგიად გამოცხადებიდან 1700 წლის იუბილეზე.
შეხვედრის დასასრულს საქართველოს კათოლიკოს-პატრიარქმა და ეპისკოპოსმა ჯუზეპე პაზოტომ ერთმანეთს სამახსოვრო საჩუქრები გადასცეს.
მართლმადიდებელ ჟურნალისტთა კავშირი წერდა, საქართველოს მართლმადიდებლური ეკლესიის დელეგაცია ჰოროვიცეში მდებარე მონასტერს ეწვია.
წაიკითხეთ ასევე
სოფელ ბორითში მერაბ კოსტავას ხსოვნას პატივი მიაგეს
ეროვნული გმირის გარდაცვალებიდან 37 წლისთავზე სასულიერო პირებმა, პედაგოგებმა და მოსწავლეებმა მისი ღვაწლი გაიხსენეს და სულის მოსახსენებელ პანაშვიდში მიიღეს მონაწილეობა.
ბოდბის მონასტერში ღვთისმშობლის ხატის „ძუძუსმაწოვებელი“ ზუსტი ასლი დაბრძანდა
ათონის მთის ქილანდარის მონასტრის ყოვლადწმინდა ღვთისმშობლის სასწაულთმოქმედი ხატის ზუსტი ასლი ბოდბეში 14 ოქტომბერს ჩამოაბრძანეს.
დეკანოზი ანდრია ჯაღმაიძე სვეტიცხოვლობის დღესასწაულის მნიშვნელობაზე
,,დიდი სიხარულია, რომ ამ კრებულს ვხედავთ დღეს სვეტიცხოველში, ყველა ეკლესიის წარმომადგენლები, მღვდელმთავრები და სასულიერო პირები ჩვენთან ერთად ზეიმობენ დღეს.''-დეკანოზი ანდრია.
მართლმადიდებელი ეკლესია დღეს ნეტარ ანდრიას მოიხსენიებს
ადრეულ სიყმაწვილეშივე ტყვედ ჩავარდნილი ჭაბუკი მდიდარმა კონსტანტინოპოლელმა, თეოგნისტემ შეისყიდა და ბერძნულ ენასა და მეცნიერებებში განსწავლა.
საქართველოს კათოლიკოს-პატრიარქის სიტყვა საქართველოს გაქრისტიანების 1700 წლისთავზე
,,დიდია დღეს ჩვენი სიხარულისა და მადლიერების მიზეზი! წელს საქართველო ქრისტიანობის სახელმწიფო რელიგიად გამოცხადების 1700 წლისთავს აღნიშნავს.''
პატრიარქ ბართლომეოსის სიტყვა საქართველოს გაქრისტიანების 1700 წლისთავზე
,,ამ დღესასწაულის სათავეებთან დგას საქართველოს განმანათლებელი, მოციქულთასწორი წმინდა ნინო.''