სოფელ უდეში წმინდა ანთიმოზ ივერიელის ხსენების დღე საზეიმო ღვთისმსახურებით აღინიშნა
ახალციხისა და ტაო-კლარჯეთის მიტროპოლიტი მეუფე თეოდორე. ფოტო: ახალციხის მუნიციპალიტეტის მერია
26 ივნისს, წმინდა ანთიმოზ ივერიელის ხსენების დღესთან დაკავშირებით, ადიგენის მუნიციპალიტეტის სოფელ უდეში საზეიმო საღვთო ლიტურგია გაიმართა.
ღვთისმსახურებას ახალციხის მუნიციპალიტეტის მერი ვარლამ წიკლაური, სახელმწიფო რწმუნებული სამცხე-ჯავახეთის მხარეში ზაალ გელაშვილი, რწმუნებულის ადმინისტრაციისა და რეგიონის მუნიციპალიტეტების წარმომადგენლები, ასევე მოწვეული სტუმრები დაესწრნენ.
საზეიმო წირვა სოფელ უდის ღვთისმშობლის მიძინების სახელობის ტაძარში აღავლინეს ახალციხისა და ტაო-კლარჯეთის მიტროპოლიტმა თეოდორემ, რიმნიკის მთავარეპისკოპოსმა ბარსანუფმა და ზუგდიდისა და ცაიშის მიტროპოლიტმა გერასიმემ, სასულიერო პირებთან ერთად.
წმინდა ანთიმოზ ივერიელი საქართველოსა და რუმინეთის ეკლესიების ერთ-ერთი გამორჩეული საეკლესიო მოღვაწეა. იგი წარმოშობით დღევანდელი ადიგენის მუნიციპალიტეტის სოფელ უდიდან იყო, ხოლო რუმინეთის მართლმადიდებელმა ეკლესიამ იგი წმინდანად შერაცხა. მისი ხსენების დღე ყოველწლიურად განსაკუთრებული პატივით აღინიშნება როგორც საქართველოში, ისე რუმინეთში.
ადრე მართლმადეიდებელ ჟურნალისტთა კავშირი წერდა, რომ 26 ივნისს მართლმადიდებელი ეკლესია წმინდა ანთიმოზ ივერიელს მოიხსენიებს.
წაიკითხეთ ასევე
ამ წუთებში პატრიარქი შიო III წმინდა იოანე ღვთისმეტყველის ტაძარში მიბრძანდა
წმინდა მოციქულისა და მახარებლის მიცვალების დღეს სრულიად საქართველოს კათოლიკოს-პატრიარქი სამღვდელოებასთან ერთად ღვთისმსახურებას აღავლენს.
პატრიარქი შიო III დღეს ვერის ტაძარში აღავლენს წირვას
სადღესასწაულო საღმრთო ლიტურგია 10:00 საათზე დაიწყება.
ნიცის წმინდა ნიკოლოზის სამრევლოში 24 ოქტომბერს საღმრთო ლიტურგია აღევლინება
დასავლეთ ევროპის მიტროპოლიტ აბრაამის ლოცვა-კურთხევით, წირვას იღუმენი ეფრემი (ჯოლოხავა) აღასრულებს; ასევე გაიმართება მიცვალებულთა სულის მოსახსენებელი პანაშვიდი.
გურჯაანისა და ველისციხის ეპარქიაში სასულიერო პირები დააჯილდოვეს
იღუმენ რაფაელსა და იღუმენ იოანეს საეკლესიო ჯილდოები მთავარეპისკოპოს ექვთიმეს წარდგინებითა და კათოლიკოს-პატრიარქ შიო III-ის ლოცვა-კურთხევით მიენიჭათ.
მიტროპოლიტმა სტეფანემ ლაილაშის ტაძარში ღვთისმსახურება აღასრულა
ცაგერისა და ლენტეხის ეპარქიის დალოცვის ფარგლებში მეუფემ 8 ოქტომბერს საღმრთო ლიტურგია და პარაკლისი შეასრულა.
9 ოქტომბერს ეკლესია წმინდა იოანე ღვთისმეტყველის მიცვალებას იხსენებს
ქრისტეს საყვარელი მოწაფე წმინდა მოციქული და მახარებლი იოანე ღვთისმეტყველი რომლის ქადაგების უმთავრეს გზავნილს ღვთისა და მოყვასის სიყვარულს წარმოადგენდა.