კიევის წმინდა სოფიას საკათედრო ტაძარში 28 სეისმური სენსორი დამონტაჟდა

კიევის წმინდა სოფიას საკათედრო ტაძარი

იუნესკოს მხარდაჭერით, კიევში, წმინდა სოფიას ტაძრის ეროვნულ ნაკრძალში 28 სეისმური სენსორი დამონტაჟდა. Suspilne. Kyiv-ის ცნობით, ეს სენსორები დააფიქსირებენ რაკეტების, აფეთქებების და დრონების ფრენების გავლენას უძველესი ტაძრის სტრუქტურებზე.

სპეციალისტებმა წმინდა სოფიას ტაძარზე 20 სენსორი განათავსეს, ხოლო კიდევ რვა კომპლექსის სამრეკლოზე. იუნესკომ ასევე დააფინანსა პროგრამული უზრუნველყოფისა და მონაცემთა დამუშავებისთვის კომპიუტერის შეძენა და დააფინანსა სისტემის დამმონტაჟებელი იტალიელი ტექნიკოსების სამუშაო.

ნაკრძალის გენერალური დირექტორის, ნელია კუკოვალსკაიას თქმით, სენსორები რეაგირებენ ნებისმიერ გარე ვიბრაციაზე, რაკეტების დარტყმებიდან დაწყებული საზოგადოებრივი ტრანსპორტითა და მასშტაბური კონცერტებით დამთავრებული.

მიღებული მონაცემები ინჟინრებს დაეხმარება ძეგლის მდგომარეობის ციფრული მოდელის შექმნაში, რათა დროულად გააძლიერონ შენობის ყველაზე დაუცველი მონაკვეთები. აღჭურვილობა ასევე საშუალებას მისცემს მათ, აკონტროლონ მიწისძვრის ექოები რუმინეთში, ვრანჩეას ზონიდან, რომელიც, სავარაუდოდ, მომდევნო წლებში აქტიური იქნება.

შეგახსენებთ, რომ ხელისუფლებამ აჩვენა მიძინების ტაძრის მდგომარეობა დაბომბვის შემდეგ.