რაჭის ახალი მუზეუმი გახსნისთვის ემზადება
ნიკორწმინდის ეპისკოპოსი ვახტანგი კულტურის სამინისტრთან ერთად. ფოტო: კულტურის სამინისტრო
საქართველოს კულტურის მინისტრმა თინათინ რუხაძემ ონში მდებარე რაჭის ახალი მუზეუმის შენობაში მიმდინარე სამუშაოები დაათვალიერა და მუზეუმის გახსნისთვის საჭირო საკითხები შესაბამის უწყებებსა და ადგილობრივი ხელისუფლების წარმომადგენლებთან ერთად განიხილა.
მინისტრთან ერთად შეხვედრას ესწრებოდნენ კულტურის მინისტრის მოადგილე გრიგოლ ცერცვაძე, რაჭა-ლეჩხუმისა და ქვემო სვანეთის სახელმწიფო რწმუნებული პაპუნა მარგველიძე, საქართველოს ეროვნული მუზეუმის გენერალური დირექტორი დავით ლორთქიფანიძე, რაჭის მუზეუმის ხელმძღვანელობა, ადგილობრივი ხელისუფლების წარმომადგენლები და ნიკორწმინდის ეპისკოპოსი ვახტანგი.
თინათინ რუხაძის თქმით, მუზეუმის გახსნა რეგიონისთვის განსაკუთრებული მნიშვნელობის მოვლენაა.
„მიხარია, რომ ონში მალე ახალ მუზეუმს გავხსნით. მადლობას გადავუხდი რაჭას და ონელებს იმ უმნიშვნელოვანესი საგანძურის შენარჩუნებისთვის, რომელიც სულ მალე ამ მუზეუმში იქნება გამოფენილი. აქ თავმოყრილია ჩვენი ქვეყნის ისტორიისა და კულტურული მემკვიდრეობის არაერთი გამორჩეული ნიმუში“, — განაცხადა მინისტრმა.
მისივე ინფორმაციით, მუზეუმის გახსნის მოსამზადებელი სამუშაოები დასკვნით ეტაპზეა. შენობა უკვე გადაცემულია საქართველოს ეროვნულ მუზეუმს და ამჟამად მიმდინარეობს კოლექციების გადატანა, ექსპონატების განთავსება და ახალი საგამოფენო სივრცის მოწყობა.
რაჭის ახალი მუზეუმი საქართველოს მთავრობის მხარდაჭერით აშენდა და 2026 წელს საქართველოს ეროვნული მუზეუმის სისტემაში გაერთიანდა. ამ ეტაპზე მიმდინარეობს ფონდების სისტემატიზაცია და ონის მხარეთმცოდნეობის მუზეუმის კოლექციების ახალ სივრცეში გადატანა.
საქართველოს ეროვნული მუზეუმის სპეციალისტების მონაწილეობით, ადგილობრივი კოლექციის მნიშვნელოვან ნაწილს უტარდება საკონსერვაციო სამუშაოები. მუდმივმოქმედი ექსპოზიციის სამეცნიერო კონცეფცია ონის მუზეუმისა და ეროვნული მუზეუმის მეცნიერ-თანამშრომლებმა ერთობლივად შეიმუშავეს, ხოლო პროექტის სამეცნიერო ხელმძღვანელი საქართველოს ეროვნული მუზეუმის გენერალური დირექტორი დავით ლორთქიფანიძეა.
რაჭის ახალი მუზეუმის გახსნის შემდეგ დამთვალიერებლებს შესაძლებლობა ექნებათ გაეცნონ უნიკალურ ექსპონატებს, რომლებიც საქართველოს მრავალსაუკუნოვან ისტორიასა და მდიდარ კულტურულ მემკვიდრეობას წარმოაჩენს.
მართლმადიდებელ ჟურნალისტთა კავშირი წერდა, შალვა პაპუაშვილი ფოკის წმინდა ნინოს დედათა მონასტერს ეწვია.
წაიკითხეთ ასევე
ეკლესია წმიდა და ყოვლადქებული მოციქულ თომას მოიხსენიებს
საეკლესიო მწერლების მოწმობით თომა მოციქულის წმიდა ნაწილები შემდგომში (385 წელს) ქალაქ ედესოში გადაასვენეს. მაგრამ, როგორც ცნობილია, ინდოეთშიც დარჩა მისი ზოგიერთი ნაწილი.
მალე ეკრანებზე გამოვა წმინდა იოსებ ისიქასტის შესახებ გადაღებული სერიალი
„წმინდა მაქსიმე აღმსარებლის ინსტიტუტის“ (Saint Maximus Institute) ნამუშევარი ტელეკომპანია „მეგაზე“ (Mega) გავა; წმინდანის ახალგაზრდობის წლებს ტასოს ლეკკასი განასახიერებს, ხოლო მოხუცებულობის პერიოდს — არის სერვეტალისი.
მიტროპოლიტმა დიმიტრიმ ირაკლი ჩხიკვაძეს დიაკვნად დაასხა ხელი
ახალხელდასხმული დიაკონი ბათუმის ყოვლადწმინდა ღვთისმშობლის შობის სახელობის საკათედრო ტაძარში იმსახურებს.
ბულგარეთის პატრიარქმა ეკლესიაში არსებული უთანხმოებების დიალოგის გზით დაძლევისკენ მოუწოდა
ბულგარეთის ეკლესიის წინამძღვარმა არსებული უთანხმოების ფონზე პატრიარქ ბართლომეოსთან ერთად ერთობლივი აღნიშვნის მნიშვნელობა ახსნა.
შიო III ვეტერანებს: „მამულის სიყვარული,თავდადება და სიმამაცე საქმით დაამოწმეთ''
სრულიად საქართველოს კათოლიკოს-პატრიარქმა ვეტერანებს პროფესიული დღე მიულოცა, სამშობლოს წინაშე მათი ღვაწლი აღნიშნა და გარდაცვლილი თანამებრძოლების სულების განსვენებისთვის ილოცა.
ბულგარეთისა და კონსტანტინოპოლის პატრიარქებმა წმინდა სოფიას საკათედრო ტაძარში ილოცეს
მიტროპოლიტმა ბარნაბამ ლიტურგია სოფიაში, ალექსანდრე ნეველის სახელობის ტაძარში აღავლინა. წირვა წმინდა იოანე რილელის წლისთავს მიეძღვნა.