ნიცის წმინდა ნიკოლოზის სამრევლოში ახალი მოძღვარი წარდგება
წმინდა თამარ მეფის სამრევლო საფრანგეთში. ფოტო: სამრევლოს გვერდი
დასავლეთ ევროპის მიტროპოლიტ აბრაამის კურთხევით, შაბათს, 13 ივნისს, საფრანგეთის ქალაქ ნიცაში, წმინდა ნიკოლოზის სახელობის სამრევლოში საღმრთო ლიტურგია აღევლინება.
ლიტურგიას დილის 10:00 საათზე დაიწყებს და აღავლენს იღუმენი ეფრემ (ჯოლოხავა). ამავე დღეს მოხდება სამრევლოს ახალი მოძღვრის ოფიციალური წარდგენა.
საეკლესიო მსახურების დასრულების შემდეგ გაიმართება შეხვედრა მრევლთან, რომლის ფარგლებშიც განხილული იქნება სამრევლოს სამომავლო გეგმები, განვითარების პერსპექტივები და მიმდინარე საკითხები.
შეხვედრაში მონაწილეობის მიღება შეეძლება ყველა დაინტერესებულ პირს. ღონისძიება მიზნად ისახავს მრევლის ჩართულობის გაძლიერებას და სამრევლო ცხოვრების შემდგომი განვითარების ხელშეწყობას.
მართლმადიდებელ ჟურნალისტთა კავშირი წერდა, საფრანგეთში წმინდა თამარ მეფის სახელობის ტაძარში სიწმინდეები მიაბრძანეს.
წაიკითხეთ ასევე
თბილისში წმინდა ნინოს ეკლესიის რეაბილიტაცია იგეგმება
შიო ჩიტაძის ქუჩაზე მდებარე ისტორიული ტაძრის პროექტი კონსტრუქციული მდგომარეობის გაუმჯობესებას, დაზიანებების აღმოფხვრასა და ავთენტური სახის შენარჩუნებას ითვალისწინებს.
სვეტიცხოვლის სარეაბილიტაციო სამუშაოების მომზადებაში იტალიური კომპანია ჩაერთო
კულტურის მინისტრი მაია ბითაძე ტაძარში არსებულ მდგომარეობასა და დაგეგმილ სამუშაოებს ადგილზე გაეცნო — კვლევები საერთაშორისო ექსპერტებისა და ქართველი სპეციალისტების მონაწილეობით წარიმართება.
მეუფე გიორგი: „ტექნოლოგია უნდა ემსახურებოდეს ადამიანს და არა პირიქით“
მარნეულისა და ჰუჯაბის ეპისკოპოსი ციფრული ფულის საკითხზე ფართო საზოგადოებრივი განხილვის, პირადი ცხოვრების დაცვისა და ნაღდი ფულის გამოყენების შესაძლებლობის შენარჩუნების აუცილებლობაზე საუბრობს.
მიტროპოლიტმა იოანემ წმინდა კვიპრიანესა და იუსტინას ტაძარში პარაკლისი აღასრულა
ღვთისმსახურება წმინდა დიდმოწამეთა დავით და კონსტანტინე მხეიძეების, მღვდელმოწამე კვიპრიანესა და ქალწულმოწამე იუსტინას ხსენების დღეს გაიმართა.
ფილადელფიაში სვეტიცხოვლობა საზეიმო ღვთისმსახურებით აღინიშნა
საღმრთო ლიტურგია ჩრდილოეთ ამერიკის ეპისკოპოსმა საბამ აღავლინა — მრევლს ღვთისმშობლის წილხვდომილობის ხატისა და წმინდა გაბრიელ ბერის წმინდა ნაწილების მოლოცვის შესაძლებლობა მიეცა.
საქართველოს საპატრიარქო განცხადებას ავრცელებს
საქართველოს საპატრიარქო 14 ოქტომბერს სამთავროს მონასტერში აღვლენილ ღვთისმსახურებასთან დაკავშირებით გავრცელებულ ინფორმაციას გამოეხმაურა და საეკლესიო თანამსახურების წესზე განმარტება გაავრცელა.