მენელსაცხებლე დედათა ხსენება გეთსიმანიის მონასტერში აღინიშნა

მროველ-ურბნელი მიტროპოლიტი იობი. ფოტო: ეპარქიის გვერდი

მენელსაცხებლე დედათა ხსენების დღეს, გეთსიმანიის დედათა მონასტერში სადღესასწაულო საღმრთო ლიტურგია აღევლინა. ღვთისმსახურებას უძღვებოდა ყოვლადუსამღვდელოესი მროველ-ურბნელი მიტროპოლიტი იობი (აქიაშვილი).

სადღესასწაულო მსახურებას ესწრებოდნენ მონასტრის დედები, მრევლი და მომლოცველები. ლიტურგიის დასრულების შემდეგ, მეუფემ ქადაგებაში ისაუბრა მენელსაცხებლე დედათა თავდადებასა და რწმენის სიმტკიცეზე, რომლებიც ქრისტეს აღდგომის პირველ მახარებლებად იქცნენ.

მიტროპოლიტმა იობმა ხაზი გაუსვა მათ მაგალითს, როგორც ქრისტიანული სიყვარულისა და ერთგულების სიმბოლოს, და მოუწოდა მრევლს, ყოველდღიურ ცხოვრებაში იხელმძღვანელონ მენელსაცხებლე დედათა რწმენითა და სიმამაცით.

მართლმადიდებელ ჟურნალისტთა კავშირი წერდა, ზუგდიდისა და ცაიშის მიტროპოლიტმა გერასიმემ ეპისკოპოს სერაფიმეს საფლავზე პანაშვიდი აღავლინა.