ზუგდიდისა და ცაიშის მიტროპოლიტმა გერასიმემ ბრწყინვალე შვიდეულის პარასკევს ერთობლივი ჟამისწირვა აღავლინა
ზუგდიდისა და ცაიშის მიტროპოლიტი გერასიმე ეპარქიის სამღვდელო დასთან ერთად.ფოტო; ეპარქიის გვერდი
ბრწყინვალე შვიდეულის პარასკევს, ზუგდიდისა და ცაიშის მიტროპოლიტმა გერასიმემ, ეპარქიაში დამკვიდრებული ტრადიციისამებრ, ერთობლივი საღმრთო ჟამისწირვა აღავლინა წალენჯიხის მაცხოვრის ფერიცვალების საკათედრო ტაძარში. საზეიმო მსახურებაში მონაწილეობდნენ ეპარქიის სასულიერო პირები, ტაძარი კი მრევლით იყო სავსე, რომლებიც აღდგომის სიხარულს ერთობლივი ლოცვით იზიარებდნენ.
საღმრთო ლიტურგია განსაკუთრებული სულიერი აღმაფრენითა და სადღესასწაულო განწყობით წარიმართა. ბრწყინვალე შვიდეულის დღეებში ეკლესია განსაკუთრებულად აღნიშნავს ქრისტეს აღდგომას, რაც მორწმუნეთათვის გამარჯვებას ნიშნავს სიკვდილზე, ცოდვასა და სასოწარკვეთაზე. სწორედ ამ სიხარულის გაზიარება იყო ერთობლივი მსახურების მთავარი არსიც.
ლიტურგიის დასრულების შემდეგ, მიტროპოლიტმა გერასიმემ ქადაგებით მიმართა ტაძარში შეკრებილ მრევლს. მღვდელმთავარმა ისაუბრა აღდგომის ღრმა სულიერ მნიშვნელობაზე, ქრისტეს სიყვარულზე და იმ გზაზე, რომელსაც მორწმუნე უნდა დაადგეს — სიყვარულის, მიტევებისა და ერთმანეთის თანადგომის გზაზე. მან განსაკუთრებული ყურადღება გაამახვილა იმაზე, რომ აღდგომის სიხარული მხოლოდ ერთდღიანი ზეიმი არ არის, არამედ ყოველდღიურ ცხოვრებაში უნდა აისახოს თითოეული ადამიანის საქციელსა და დამოკიდებულებაში.
მიტროპოლიტმა მრევლს ქრისტეს ბრწყინვალე აღდგომის დღესასწაული მიულოცა და დალოცა, უსურვა სულიერი სიმტკიცე, მშვიდობა და ღვთის მადლით ცხოვრება. მან ასევე მადლობა გადაუხადა სასულიერო პირებს ერთობლივი მსახურებისთვის და მორწმუნეებს — ტაძარში ლოცვითი თანადგომისთვის.
მართლმადიდებელ ჟურნალისტთა კავშირმა დაწერა, ეპისკოპოსი ქრისტეფორე წამალაიძე პატრიარქის არჩევნებში მონაწილეობის სურვილს აცხადებს.
წაიკითხეთ ასევე
თბილისში წმინდა ნინოს ეკლესიის რეაბილიტაცია იგეგმება
შიო ჩიტაძის ქუჩაზე მდებარე ისტორიული ტაძრის პროექტი კონსტრუქციული მდგომარეობის გაუმჯობესებას, დაზიანებების აღმოფხვრასა და ავთენტური სახის შენარჩუნებას ითვალისწინებს.
სვეტიცხოვლის სარეაბილიტაციო სამუშაოების მომზადებაში იტალიური კომპანია ჩაერთო
კულტურის მინისტრი მაია ბითაძე ტაძარში არსებულ მდგომარეობასა და დაგეგმილ სამუშაოებს ადგილზე გაეცნო — კვლევები საერთაშორისო ექსპერტებისა და ქართველი სპეციალისტების მონაწილეობით წარიმართება.
მეუფე გიორგი: „ტექნოლოგია უნდა ემსახურებოდეს ადამიანს და არა პირიქით“
მარნეულისა და ჰუჯაბის ეპისკოპოსი ციფრული ფულის საკითხზე ფართო საზოგადოებრივი განხილვის, პირადი ცხოვრების დაცვისა და ნაღდი ფულის გამოყენების შესაძლებლობის შენარჩუნების აუცილებლობაზე საუბრობს.
მიტროპოლიტმა იოანემ წმინდა კვიპრიანესა და იუსტინას ტაძარში პარაკლისი აღასრულა
ღვთისმსახურება წმინდა დიდმოწამეთა დავით და კონსტანტინე მხეიძეების, მღვდელმოწამე კვიპრიანესა და ქალწულმოწამე იუსტინას ხსენების დღეს გაიმართა.
ფილადელფიაში სვეტიცხოვლობა საზეიმო ღვთისმსახურებით აღინიშნა
საღმრთო ლიტურგია ჩრდილოეთ ამერიკის ეპისკოპოსმა საბამ აღავლინა — მრევლს ღვთისმშობლის წილხვდომილობის ხატისა და წმინდა გაბრიელ ბერის წმინდა ნაწილების მოლოცვის შესაძლებლობა მიეცა.
საქართველოს საპატრიარქო განცხადებას ავრცელებს
საქართველოს საპატრიარქო 14 ოქტომბერს სამთავროს მონასტერში აღვლენილ ღვთისმსახურებასთან დაკავშირებით გავრცელებულ ინფორმაციას გამოეხმაურა და საეკლესიო თანამსახურების წესზე განმარტება გაავრცელა.