მეუფე დანიელი: საკუთარ კანდიდატურას პატრიარქობისთვის არ დავაყენებ
ჭიათურისა და საჩხერის მიტროპოლიტი დანიელი (დათუაშვილი). ფოტო: ეპარქიის გვერდი
ჭიათურისა და საჩხერის მიტროპოლიტმა დანიელმა პატრიარქობის შესაძლო კანდიდატურასთან დაკავშირებით გაკეთებულ განცხადებაში აღნიშნა, რომ თავად არ აპირებს საკუთარი კანდიდატურის დაყენებას.
მისივე თქმით, ასაკთან დაკავშირებული საკითხი, რომელიც ერთ-ერთი მნიშვნელოვანი კრიტერიუმია პატრიარქობისთვის, წმინდა სინოდის განსასაზღვრია და საბოლოო გადაწყვეტილებას სწორედ სინოდი მიიღებს.
მეუფე დანიელის განცხადებიდან იკვეთება, რომ იგი არ გამორიცხავს მისი კანდიდატურის წამოყენებას სხვა მღვდელმთავრის მხრიდან, რის გამოც შესაძლოა სინოდს მოუწიოს მსჯელობა ასაკობრივ ზღვართან დაკავშირებით და შესაბამისი გადაწყვეტილების მიღება.
„მე პირადად არ ვაპირებ ჩემი კანდიდატურის დაყენებას. რაც შეეხება ასაკის თემას, დავემორჩილები სინოდის გადაწყვეტილებას. ეს საკითხი სინოდმა უნდა განსაზღვროს. მე ძალიან მშვიდად ვარ, ერთადერთი მხოლოდ ის მაღელვებს, რომ ადამიანური ფაქტორები არ შექმნის უხერხულობას,“ – განაცხადა მეუფე დანიელმა.
მართლმადიდებელ ჟურნალისტთა კავშირი წერდა, კარმირ ვანკი — დავიწყებული სიწმინდე ავლაბარში.
წაიკითხეთ ასევე
თბილისში წმინდა ნინოს ეკლესიის რეაბილიტაცია იგეგმება
შიო ჩიტაძის ქუჩაზე მდებარე ისტორიული ტაძრის პროექტი კონსტრუქციული მდგომარეობის გაუმჯობესებას, დაზიანებების აღმოფხვრასა და ავთენტური სახის შენარჩუნებას ითვალისწინებს.
სვეტიცხოვლის სარეაბილიტაციო სამუშაოების მომზადებაში იტალიური კომპანია ჩაერთო
კულტურის მინისტრი მაია ბითაძე ტაძარში არსებულ მდგომარეობასა და დაგეგმილ სამუშაოებს ადგილზე გაეცნო — კვლევები საერთაშორისო ექსპერტებისა და ქართველი სპეციალისტების მონაწილეობით წარიმართება.
მეუფე გიორგი: „ტექნოლოგია უნდა ემსახურებოდეს ადამიანს და არა პირიქით“
მარნეულისა და ჰუჯაბის ეპისკოპოსი ციფრული ფულის საკითხზე ფართო საზოგადოებრივი განხილვის, პირადი ცხოვრების დაცვისა და ნაღდი ფულის გამოყენების შესაძლებლობის შენარჩუნების აუცილებლობაზე საუბრობს.
მიტროპოლიტმა იოანემ წმინდა კვიპრიანესა და იუსტინას ტაძარში პარაკლისი აღასრულა
ღვთისმსახურება წმინდა დიდმოწამეთა დავით და კონსტანტინე მხეიძეების, მღვდელმოწამე კვიპრიანესა და ქალწულმოწამე იუსტინას ხსენების დღეს გაიმართა.
ფილადელფიაში სვეტიცხოვლობა საზეიმო ღვთისმსახურებით აღინიშნა
საღმრთო ლიტურგია ჩრდილოეთ ამერიკის ეპისკოპოსმა საბამ აღავლინა — მრევლს ღვთისმშობლის წილხვდომილობის ხატისა და წმინდა გაბრიელ ბერის წმინდა ნაწილების მოლოცვის შესაძლებლობა მიეცა.
საქართველოს საპატრიარქო განცხადებას ავრცელებს
საქართველოს საპატრიარქო 14 ოქტომბერს სამთავროს მონასტერში აღვლენილ ღვთისმსახურებასთან დაკავშირებით გავრცელებულ ინფორმაციას გამოეხმაურა და საეკლესიო თანამსახურების წესზე განმარტება გაავრცელა.