განათლების მინისტრმა გივი მიქანაძემ პატრიარქ ილია II-ის ხსოვნას პატივი მიაგო

განათლების, მეცნიერებისა და ახალგაზრდობის მინისტრმა გივი მიქანაძე ილია მეორეს პანაშვიდზე.

20 მარტს საქართველოს განათლების, მეცნიერებისა და ახალგაზრდობის მინისტრმა გივი მიქანაძემ, მოადგილეებთან და სამინისტროს თანამშრომლებთან ერთად, სრულიად საქართველოს კათოლიკოს-პატრიარქის, ილია II-ის ხსოვნას პატივი მიაგო.

მინისტრის დელეგაცია თბილისის წმინდა სამების საკათედრო ტაძარში იმყოფებოდა, სადაც მათ პატრიარქის ხსოვნისადმი მიძღვნილ ღონისძიებებში მიიღეს მონაწილეობა და კიდევ ერთხელ გამოხატეს პატივისცემა ქვეყნის სულიერი წინამძღოლის მიმართ.

გივი მიქანაძემ აღნიშნა, რომ ილია II-ის ღვაწლი განსაკუთრებულ ადგილს იკავებს საქართველოს ისტორიაში და მისი მოღვაწეობა მრავალი თაობისთვის მაგალითის მომცემია.

სამინისტროს წარმომადგენლებმა პატრიარქის ხსოვნას დუმილითა და ლოცვით მიაგეს პატივი.

მართლმადიდებელ ჟურნალისტთა კავშირი წერდა, დასავლეთ ევროპაში ილია II-ის სულის მოსახსენებლად დიდი პანაშვიდი გაიმართება.

წაიკითხეთ ასევე