ტყიბულის მუნიციპალიტეტში, სოფელ კურსებში მეწყერი ჩამოწვა — საფრთხე ისტორიულ ტაძრებსაც ემუქრება

ტყიბულის მუნიციპალიტეტის სოფელ კურსებში, 2026 წლის 12 მარტს, მდ. წყალწითელას მარცხენა ფერდობზე მეწყრული სხეული განვითარდა.ფოტო: ღია წყარო

2026 წლის 11 მარტს ტყიბულის მუნიციპალიტეტში, სოფელ კურსებში მეწყერი ჩამოწვა, რის გამოც სოფელი სტიქიის ზონად მიიჩნევა. მეწყრული პროცესები კვლავ აქტიურია და ადგილობრივ მოსახლეობასთან ერთად საფრთხე სოფელში არსებულ ისტორიულ ტაძრებსაც ემუქრება.

სოფელ კურსებში ორი მნიშვნელოვანი ეკლესია მდებარეობს. ქვედა კურსებში არის დარბაზული ტიპის კურსების წმინდა გიორგის სახელობის ეკლესია, რომელიც ქაშვეთის სახელითაც არის ცნობილი. ხოლო ზედა კურსებში მდებარეობს XII საუკუნით დათარიღებული „ზენობნის“ მაცხოვრის სახელობის ეკლესია, რომელიც ქართული საეკლესიო არქიტექტურის მნიშვნელოვან ძეგლად მიიჩნევა.

2026 წლის მარტის მდგომარეობით, მეწყრული პროცესების მიუხედავად, ორივე ტაძარი გადარჩენილია. თუმცა სპეციალისტების შეფასებით, თუ სტიქიური პროცესები გაგრძელდება, არსებობს საფრთხე, რომ მომავალში მეწყერმა ეკლესიებიც დააზიანოს ან სრულად გაანადგუროს.

ადგილობრივები და სპეციალისტები ყურადღებით აკვირდებიან ვითარებას და იმედოვნებენ, რომ შესაძლებელი იქნება ისტორიული და სულიერი მნიშვნელობის მქონე ძეგლების დაცვა.

მართლმადიდებელ ჟურნალისტთა კავშირი წერდა, გარდაიცვალა სანაგირის მამათა მონასტრის მონაზონი თეოდოსი (მძელური).