კულტურის მინისტრი თინათინ რუხაძე ხელნაწერთა ეროვნულ ცენტრს ეწვია
კულტურის მინისტრი თინათინ რუხაძე კორნელი კეკელიძის სახელობის ხელნაწერთა ეროვნულ ცენტრს ესტუმრა. ფოტო: საქართველოს კულტურის სამინისტრო
კულტურის მინისტრი თინათინ რუხაძე კორნელი კეკელიძის სახელობის ხელნაწერთა ეროვნულ ცენტრს ესტუმრა.
მინისტრმა ხელნაწერთა ცენტრის დირექტორთან, ზაზა აბაშიძესთან ერთად დაათვალიერა საცავები, რესტავრაციისა და დიგიტალიზაციის ლაბორატორიები, ბიბლიოთეკა და მემორიალური მუზეუმ-კაბინეტი.
ვიზიტის ფარგლებში გაიმართა სამუშაო შეხვედრა, სადაც ისაუბრეს საქართველოს კულტურის სამინისტროსა და ხელნაწერთა ეროვნულ ცენტრს შორის სამომავლო თანამშრომლობაზე. შეხვედრაზე ასევე განიხილეს ცენტრის წინაშე არსებული გამოწვევები და მათი გადაჭრის გზები.
როგორც მინისტრმა აღნიშნა, ხელნაწერთა ეროვნული ცენტრი მნიშვნელოვან როლს ასრულებს საქართველოს კულტურული მემკვიდრეობის დაცვასა და კვლევაში.
„ხელნაწერთა ეროვნული ცენტრი მნიშვნელოვან როლს ასრულებს ჩვენი კულტურული მემკვიდრეობის დაცვასა და კვლევაში. სახელმწიფოსთვის პრიორიტეტულია ამ მიმართულების მხარდაჭერა.
საქართველოს მთავრობის გადაწყვეტილებით, 2026 წლიდან ხელნაწერთა ეროვნული ცენტრი კულტურის სამინისტროს დაქვემდებარებაშია. ცენტრის კოლექტივთან, მის გამოცდილ თანამშრომლებთან ერთად ვიმუშავებთ არსებულ გამოწვევებსა და ხელნაწერთა ცენტრის განვითარებისთვის საჭირო პირობების უზრუნველყოფაზე,“ — განაცხადა თინათინ რუხაძემ.
მართლმადიდებელ ჟურნალისტთა კავშირი წერდა, თინათინ რუხაძემ თელავში ბატონის ციხის კარის ეკლესიის სარეაბილიტაციო სამუშაოები დაათვალიერა.
მსოფლიო პატრიარქმა ოქსფორდში ადამიანის უფლებებზე ისაუბრა
ბართლომეოსმა სიტყვა წარმოთქვა ოქსფორდის უნივერსიტეტის სამართლისა და რელიგიის ცენტრში და ტრისაგიონი აღნიშნა მიტროპოლიტ კალისტოს უერის საფლავთან.
ყოვლადწმინდა სამების საპატრიარქო ტაძართან არსებული სკოლა განაცხადებებს იღებს
აღსანიშნავია, რომ წელს პირველად „ელზას“ სკოლის 11 წარმატებული კურსდამთავრებული ჭრა-კერვის მიმართულებით პროფესიულ დონეზე სწავლას კვლავ გააგრძელებს.
დღეს ეკლესია მთავარანგელოზ მიქაელის მიერ აღსრულებულ საკვირველებას იხსენებს
ხონაში აღსრულებული სასწაულის დღესასწაული წმიდა არქიპოს ღვაწლსა და მთავარანგელოზ მიქაელის მიერ ტაძრის სასწაულებრივ გადარჩენას უკავშირდება.
ბაგების მაცხოვრის აღდგომის სახელობის ტაძარში ღვთისმსახურების დროებითი ცვლილებაა
საკურთხეველში მიმდინარე სამუშაოების გამო, ღვთისმსახურება 26–27 სექტემბერს ჯვართამაღლების დღესასწაულთან დაკავშირებით აღესრულება.
მეუფე იობმა კაბადოკიის წმინდა გიორგის მამათა მონასტერში ლიტურგია აღავლინა
19 სექტემბერს მროველ-ურბნელმა მიტროპოლიტმა იობმა საღმრთო ლიტურგია კაბადოკიის წმინდა გიორგის სახელობის მამათა მონასტერში აღავლინა.
21 სექტემბერს რუსთავში საჯარო ლექცია გაიმართება
ღონისძიების ფარგლებში გაიმართება ლექციები თემებზე „ქართული ჰაგიოგრაფია“ და „წმინდა ნინო — დედა ქართლისა“.