სან ბრიოში ქართული სამრევლოს ჩამოყალიბების საკითხზე შეხვედრა გაიმართა
წმინდა ნინოს ხატი
დასავლეთ ევროპის მიტროპოლიტ აბრაამის კურთხევით, 2026 წლის 25 იანვარს, დეკანოზი სპირიდონ გრიგოლაშვილი ქალაქ სან ბრიოში ჩვენს თანამემამულეებს შეხვდა.
შეხვედრის მსვლელობისას განხილული იქნა ქართული სამრევლოს ჩამოყალიბების საკითხი და სამომავლო გეგმები. განსაკუთრებული ყურადღება დაეთმო სამრევლოს სულიერ მნიშვნელობასა და საზღვარგარეთ მცხოვრები ქართველების ეკლესიური ცხოვრების გაძლიერებას.
შეხვედრაზე დეკანოზმა სპირიდონ გრიგოლაშვილმა დამსწრე საზოგადოებას სიტყვით მიმართა და აღნიშნა:
„ძვირფასო ძმანო და დანო,
დღეს ჩვენ ვდგამთ ძალიან მნიშვნელოვან ნაბიჯს — იქმნება სამრევლო. ეს არ არის მხოლოდ ადგილი, სადაც მსახურება ჩატარდება. ეს არის სულიერი ოჯახი, სადაც ერთმანეთის ტკივილსა და სიხარულს გავიზიარებთ, სადაც ლოცვა გვასწავლის ერთობას, ხოლო სიყვარული — მოთმინებას.
მადლობა თითოეულ თქვენგანს, ვინც აქ ხართ, ვინც გულით დგახართ ამ გზაზე. თქვენი მონაწილეობა, ლოცვა და ერთგულება არის ამ სამრევლოს საძირკველი.
დავეყრდნოთ ერთმანეთს, დავეყრდნოთ ღმერთს და ვაშენოთ ეს პატარა, მაგრამ ძლიერი კერა — სიყვარულით, რწმენით და იმედით.
ღმერთმა დაგლოცოთ და გაგახაროთ!
ამინ.”
შეხვედრა თბილ და ერთობის სულისკვეთებით გამსჭვალულ გარემოში წარიმართა და მნიშვნელოვანი ნაბიჯი გახდა ქალაქ სან ბრიოში ქართული სამრევლოს ჩამოყალიბების გზაზე.
მართლმადიდებელ ჟურნალისტთა კავშირი წერდა, ზუგდიდის საკათედრო ტაძარში საკვირაო სადღესასწაულო ლიტურგია აღესრულა.
წაიკითხეთ ასევე
თბილისში წმინდა ნინოს ეკლესიის რეაბილიტაცია იგეგმება
შიო ჩიტაძის ქუჩაზე მდებარე ისტორიული ტაძრის პროექტი კონსტრუქციული მდგომარეობის გაუმჯობესებას, დაზიანებების აღმოფხვრასა და ავთენტური სახის შენარჩუნებას ითვალისწინებს.
სვეტიცხოვლის სარეაბილიტაციო სამუშაოების მომზადებაში იტალიური კომპანია ჩაერთო
კულტურის მინისტრი მაია ბითაძე ტაძარში არსებულ მდგომარეობასა და დაგეგმილ სამუშაოებს ადგილზე გაეცნო — კვლევები საერთაშორისო ექსპერტებისა და ქართველი სპეციალისტების მონაწილეობით წარიმართება.
მეუფე გიორგი: „ტექნოლოგია უნდა ემსახურებოდეს ადამიანს და არა პირიქით“
მარნეულისა და ჰუჯაბის ეპისკოპოსი ციფრული ფულის საკითხზე ფართო საზოგადოებრივი განხილვის, პირადი ცხოვრების დაცვისა და ნაღდი ფულის გამოყენების შესაძლებლობის შენარჩუნების აუცილებლობაზე საუბრობს.
მიტროპოლიტმა იოანემ წმინდა კვიპრიანესა და იუსტინას ტაძარში პარაკლისი აღასრულა
ღვთისმსახურება წმინდა დიდმოწამეთა დავით და კონსტანტინე მხეიძეების, მღვდელმოწამე კვიპრიანესა და ქალწულმოწამე იუსტინას ხსენების დღეს გაიმართა.
ფილადელფიაში სვეტიცხოვლობა საზეიმო ღვთისმსახურებით აღინიშნა
საღმრთო ლიტურგია ჩრდილოეთ ამერიკის ეპისკოპოსმა საბამ აღავლინა — მრევლს ღვთისმშობლის წილხვდომილობის ხატისა და წმინდა გაბრიელ ბერის წმინდა ნაწილების მოლოცვის შესაძლებლობა მიეცა.
საქართველოს საპატრიარქო განცხადებას ავრცელებს
საქართველოს საპატრიარქო 14 ოქტომბერს სამთავროს მონასტერში აღვლენილ ღვთისმსახურებასთან დაკავშირებით გავრცელებულ ინფორმაციას გამოეხმაურა და საეკლესიო თანამსახურების წესზე განმარტება გაავრცელა.