26 დეკემბერს ეკლესია მოიხსენებს წმიდა მოწამეთა ევსტრატის, ავქსენტის, ევგენის, მარდარის და ორესტის

წმიდა მოწამენი ევსტრატი, ავქსენტი, ევგენი, მარდარი და ორესტი. ფოტო: მართლმადიდებლური ხატები

26 დეკემბერს მართლმადიდებელი სამოციქულო ეკლესია მოიხსენებს წმიდა მოწამეთა — ევსტრატი, ავქსენტი, ევგენი, მარდარი და ორესტი, რომლებმაც ქრისტეს რწმენისათვის სიცოცხლე გასწირეს იმპერატორ დიოკლეტიანესა და მაქსიმიანეს მმართველობის დროს (284–305).

იმ პერიოდში სომხეთსა და კაბადოკიაში ქრისტიანთა წინააღმდეგ სასტიკი დევნა მიმდინარეობდა. უსჯულო ხელისუფლებამ მხედართმთავრები ლისიუსი და აგრიკოლა გაგზავნა, რომელთაც დაევალათ ქრისტიანთა წამება და მათთვის კერპთმსახურების იძულება. სწორედ ამ დევნის დროს აღესრულნენ წმიდა მოწამენი.

ქალაქ სატალიონში შეიპყრეს მღვდელი ავქსენტი, ხოლო მასთან ერთად სხვა ქრისტიანებიც. აქვე წმიდა ევსტრატმა, რომელიც აქამდე ფარულად აღიარებდა სარწმუნოებას, საჯაროდ აღიარა ქრისტე და სასტიკი წამებები დაითმინა. მისი სარწმუნოების მაგალითით ქრისტიანობა აღიარეს ევგენიმ, მარდარიმ და ორესტიმ, რომლებმაც სხვადასხვა წამებით აღასრულეს მოწამეობრივი ღვაწლი.

წმიდა მარდარის ლოცვა დღესაც იკითხება ეკლესიაში მესამე ჟამნის ბოლოსა და შუაღამიანზე, ხოლო წმიდა ევსტრატის ლოცვა შაბათის შუაღამიანის საკითხავებშია შეტანილი. მათი ღვაწლი ეკლესიისთვის რწმენის სიმტკიცისა და ქრისტესადმი სრული ერთგულების ცოცხალი მაგალითია.

წმიდა მოწამეთა პატიოსანი ცხედრები პატივით დაკრძალეს, ხოლო შემდგომში კონსტანტინოპოლის მახლობლად, ოლიმპოს მონასტრის გალავანში, მათ სახელზე ტაძარი აიგო. მართლმადიდებელი სამოციქულო ეკლესია 26 დეკემბერს ლოცვით იხსენებს მათ და მორწმუნეებს მათი მოწამეობრივი ღვაწლისკენ მიუთითებს.

მართლმადიდებელ ჟურნალისტთა კავშირი წერდა, წმიდა სპირიდონ ტრიმიფუნტელი — უბრალოებით განდიდებული მღვდელმთავარი.

წაიკითხეთ ასევე