ჩერკასის ეპარქიაში ბერად აღკვეცა ჩატარდა

ბერად აღკვეცა ჩერკასის ეპარქიაში. ფოტო: cherkasy.church.ua

2025 წლის 26 მარტს, დიდმარხვის მეოთხე შვიდეულის ოთხშაბათს, ჩერკასკისა და კანევსკის მიტროპოლიტმა თეოდოსმა ჩაატარა ბერთა აღკვეცა ჩერკასკის ეპარქიის სტებლევში. აღკვეცის წესი აღესრულა როგორც მამათა, ასევე დედათა სამონასტრო სავანეებში.

ამაღლების ტაძარში მიტროპოლიტმა ბერად აღკვეცა იოანე წინამორბედის მამათა მონასტრის ბინადარი. ახლადაღკვეცილმა ბერმა მიიღო სახელი იოანე ღირსი აღმსარებლის, სვიატოგორსკის იღუმენის იოანეს (სტრელცოვი) პატივსაცემად.

ამის შემდეგ მეუფე თეოდოსი ჩავიდა სტებლევის ფერიცვალების დედათა მონასტერში, სადაც წმინდა ნიკოლოზის საშინაო ტაძარში აღკვეცა რამდენიმე ბინადარი. ახლადაღკვეცილ მონაზვნებს დაერქვათ წმინდა სამეფო ოჯახის მოწამეთა სახელები: ალექსანდრა, ოლღა, ტატიანა, მარია, ანასტასია.

აგრეთვე აღკვეცილ იყო ჩერკასკის ეპარქიის ხატმწერი ელენე ფილიპოვა, რომელსაც დაერქვა სახელი ალიპია ღირსი ალიპის, პეჩერის ხატმწერის პატივსაცემად.

სამღვდელმთავრო სიტყვაში მიტროპოლიტმა თეოდოსმა აღნიშნა, რომ ბერობა - ღვთისადმი სრულად თავის მიძღვნის გზაა, რომლის მთავარი მიზანია ღვთისა და მოყვასთა სიყვარულის მოპოვება. მეუფემ მიულოცა ახლადაღკვეცილებს ანგელოზებრივი სახის მირება და აჩუქა მათ ღვთისმშობლის ხატები "მე ვარ თქვენთანა და ვერავინ უფლებდეს თქვენზედა".

აღკვეცის დასრულებისას სამღვდელოებამ და დედებმა, მიტროპოლიტის მეთაურობით, შეასრულეს ჯვრით სვლა სტებლევის მონასტრის ფერიცვალების ტაძარში, სადაც აღავლინეს პირველშეწირულთა საღმრთო ლიტურგია.

მანამდე მჟკ წერდა, რომ პოჩაევოს ლავრაში და სემინარიაში ბერთა აღკვეცა შესრულდა.

წაიკითხეთ ასევე