ზელენსკი შეამცირებს სასამართლოს უფლებამოსილებებს

უკრაინის პრეზიდენტი ვლადიმერ ზელენსკი.ფოტო: lenta.ua

უკრაინის პრეზიდენტმა ვლადიმერ ზელენსკიმ გამოაცხადა კიევის საოლქო ადმინისტრაციული სასამართლოს უფლებამოსილების შემცირების შესახებ და უმაღლეს რადაში აგზავნის სამ კანონპროექტს. ამის შესახებ მან უთხრა  ჟურნალისტებს „ბორისპილის“ აეროპორტში, იუწყება ТСН.

ვლადიმერ ზელენსკის სიტყვებით, „ყველა უკმაყოფილოა კიევის საოლქო ადმინისტრაციული სასამართლოს ცალკეული  მოსამართლის ზოგიერთი ნაბიჯით“.

„მე უკვე ხელი მოვაწერე კანონპროექტის წარდგენას. მოქმედი კანონპროექტის ფარგლებში ჩვენ ავიღებთ უფლებამოსილებებს, რომელთა წყალობით კიევის საოლქო ადმინისტრაციული სასამართლოს ზოგიერთ მოსამართლეს შეეძლო ჩაედინა უსამართლო, არასწორი საქციელი, რის გამოც საზოგადოება უკმაყოფილოა ამ სასამართლოს მოსამართლეების ქმედებებით“ - აღნიშნა მან.

ვლადიმერ ზელენსკიმ დაამატა, რომ სამი კანონპროექტი, რომელიც ეხებოდა ხელისუფლების სასამართლო შტოს, გამოქვეყნდება 15 თებერვალს.

შეგახსნებთ, რომ 2021 წლის 11 თებერვალს კიევის საოლქო ადმინისტრაციულმა სასამართლომ გააუქმა უკრაინელი ნაციონალისტების სტეფანე ბანდერასა და რომან შუხევიჩის სახელობის პროსპექტების სახელების შეცვლა.

2019 წლის აპრილში საოლქო სასამართლომ შეაჩერა უკრაინის მართლმადიდებელი ეკლესიის სახელის შეცვლა.

2019 წლის 19 სექტემბერს იგივე სასამართლომ მიიღო გადაწყვეტილება ეპისკოპოს გედეონის (ჰარონი) სასარგებლოდ და დაადგინა მისთვის მოქალაქეობის დაბრუნება.

2018 წელს საოლქო სასამართლომ შეაჩერა „დესიატინის“ სასამართლოს საქმის განხილვა.

როგორც მანამდე მართლმადიდებელ ჟურნალისტთა კავშირი იუწყებოდა, კიევის „დესიატინის“ მონასტერს კვლავ დანგრევა ემუქრება.