ზუგდიდის საკათედრო ტაძარში ღამისთევით მსახურება აღესრულა
ღვთისმსახურება მიტროპოლიტმა გერასიმემ ზუგდიდის საკათედრო ტაძარში აღავლინა.
13 სექტემბერს, ყოვლადწმიდა ღვთისმშობლის პატიოსანი სარტყლის დადების დღესასწაულთან დაკავშირებით, ზუგდიდისა და ცაიშის მიტროპოლიტმა გერასიმემ ეპარქიის სამღვდელოებასთან ერთად ზუგდიდის ივერიის ყოვლადწმიდა ღმრთისმშობლის სახელობის საკათედრო ტაძარში ღამისთევითი საღმრთო ჟამისწირვა აღავლინა.
ღვთისმსახურებას მრევლი ესწრებოდა.
საღმრთო ჟამისწირვის დასრულების შემდეგ ზუგდიდისა და ცაიშის ეპარქიის მმართველმა მღვდელმთავარმა მრევლს ქადაგებით მიმართა და ყოვლადწმიდა ღმრთისმშობლის პატიოსანი სარტყლის დადების დღესასწაული მიულოცა.
დღესასწაულთან დაკავშირებით ტაძარში განსაკუთრებული სულიერი განწყობა სუფევდა.
„პატიოსნისა სარტყელისა შენისა დადებასა დღესასწაულობს დღეს ტაძარი შენი, ყოვლად საგალობელო, და ლმობიერად გიხმობს შენ: გიხაროდენ, ქალწულო, ქრისტიანეთა სიქადულო“, – აღნიშნულია დღესასწაულის ტროპარში.
მართლმადიდებელ ჟურნალისტთა კავშირი წერდა, წმინდა ანდრია პირველწოდებულის ხატი ივერიის ღმრთისმშობლის ტაძარს შესწირეს.
