კორცხელის ღვთისმშობლის სახელობის ტაძარში სარესტავრაციო სამუშაოები დაიწყო
ისტორიული ტაძრის აღდგენის პროექტს არქიტექტორი და რესტავრატორი ნინო ნოზაძე ხელმძღვანელობს.
სოფელ კორცხელის ყოვლადწმინდა ღვთისმშობლის მიძინების სახელობის ტაძარში სრული სარესტავრაციო სამუშაოები დაიწყო.
აღდგენითი პროექტი მიზნად ისახავს ტაძრის ისტორიული იერსახის შენარჩუნებას, არსებული დაზიანებების აღმოფხვრასა და ძეგლის სათანადო მდგომარეობაში დაბრუნებას.
სარესტავრაციო სამუშაოების პროექტის არქიტექტორი და რესტავრატორია ქალბატონი ნინო ნოზაძე, რომლის ხელმძღვანელობითაც მიმდინარეობს ტაძრის კვლევა და აღდგენის პროცესი.
კორცხელის ყოვლადწმინდა ღვთისმშობლის მიძინების სახელობის ტაძარი მნიშვნელოვანი საეკლესიო და კულტურული მემკვიდრეობის ძეგლია. მისი რესტავრაცია ხელს შეუწყობს ტაძრის ისტორიული მნიშვნელობის შენარჩუნებასა და მომავალი თაობებისთვის დაცვას.
მართლმადიდებელ ჟურნალისტთა კავშირი წერდა, მიტროპოლიტმა გერასიმემ კორცხელის დედათა მონასტერში ჯვარი აკურთხა.
