„თბილისი — ტოლერანტობის ქალაქი“ — ახალგაზრდებმა სხვადასხვა კონფესიის სალოცავები მოინახულეს
პროექტ „წიგნიერი ლიდერის“ ფარგლებში მსოფლიო რელიგიების კურსის დასრულების შემდეგ მონაწილეები თბილისის მრავალფეროვან რელიგიურ სივრცეს გაეცნენ.
პროექტ „წიგნიერი ლიდერის“ ფარგლებში, მსოფლიო რელიგიების კურსის დასრულების შემდეგ, ახალგაზრდებისთვის შემაჯამებელი საგანმანათლებლო ტური გაიმართა სახელწოდებით — „თბილისი — ტოლერანტობის ქალაქი“.
ინიციატივის ფარგლებში მონაწილეებმა მოინახულეს თბილისში არსებული სხვადასხვა კონფესიის სალოცავები და ადგილზე გაეცნენ მათ ისტორიას, ტრადიციებსა და კულტურულ მნიშვნელობას. შეხვედრებისა და ექსკურსიის მიზანი იყო ახალგაზრდებში განსხვავებული რელიგიური გამოცდილებების გაცნობა, ურთიერთპატივისცემის კულტურის გაძლიერება და მრავალფეროვან საზოგადოებაში დიალოგის მნიშვნელობის გააზრება.
პროექტის ორგანიზატორების განცხადებით, მსგავსი აქტივობები ხელს უწყობს ახალგაზრდების ცნობიერების ამაღლებას, კულტურათაშორისი ურთიერთობების გაღრმავებასა და ტოლერანტული გარემოს განმტკიცებას.
თბილისი ისტორიულად გამოირჩევა მრავალრელიგიური და მრავალკულტურული გარემოთი, სადაც სხვადასხვა რელიგიური თემის წარმომადგენლები საუკუნეების განმავლობაში თანაცხოვრობენ.
მართლმადიდებელ ჟურნალისტთა კავშირი წერდა, საპატრიარქოს ეზოში ავტომობილი შევარდა — დაზიანებულია შლაგბაუმი და ჭიშკარი.
