ქარელის მუნიციპალიტეტში მონაზონი გერმანე (ნანეიშვილი) გარდაიცვალა
ვედრების ღვთისმშობლის შობის სახელობის მამათა მონასტრის წევრს დღეს, 14 მაისს, მონასტრის ტერიტორიაზე დაკრძალავენ.
ამა წლის 11 მაისს გარდაიცვალა ქარელის მუნიციპალიტეტის სოფელ ვედრების ყოვლადწმინდა ღვთისმშობლის შობის სახელობის მამათა მონასტრის წევრი, მონაზონი გერმანე (ნანეიშვილი).
მონაზონი გერმანეს დაკრძალვა დღეს, 14 მაისს, 14:00 საათზე, ამავე მონასტერში გაიმართება.
რუის-ურბნისის ეპარქია, სასულიერო პირები და მრევლი ღრმა მწუხარებას გამოთქვამენ მონაზონი გერმანეს გარდაცვალების გამო და სამძიმარს უცხადებენ მონასტრის საძმოს, განსვენებულის ოჯახსა და ახლობლებს.
„უფალმა სავანესა მართალთასა დაამკვიდროს მისი უკვდავი სული“ — აღნიშნულია სამძიმრის განცხადებაში.
მორწმუნეებს სთხოვენ, ლოცვებში მოიხსენიონ ახლად შესვენებული მონაზონი გერმანე.
მართლმადიდებელ ჟურნალისტთა კავშირი წერდა, 14 მაისს მართლმადიდებელი ეკლესია წმინდა კეთილმსახური მეფე თამარის ხსენების დღეს აღნიშნავს.
0
0
თუ შეამჩნევთ შეცდომას, აირჩიეთ საჭირო ტექსტი და დააჭირეთ Ctrl+Enter ან გაგზავნეთ შეცდომა, რათა შეატყობინოთ რედაქტორებს.
ასევე წაიკითხეთ
