ხარაგაულის წმინდა ანდრია პირველწოდებულის სახელობის გიმნაზიაში დედა ენის დღე აღინიშნა
მე-6 კლასის მოსწავლეებმა ქართული ენისადმი მიძღვნილი ღონისძიება გამართეს.
მისი ყოვლადუსამღვდელოესობის, მარგვეთისა და უბისის ეპისკოპოსისა და ა(ა)იპ საქართველოს საპატრიარქოს ხარაგაულის წმინდა ანდრია პირველწოდებულის სახელობის სკოლა-გიმნაზიის რექტორის, მეუფე მელქისედეკის (ხაჩიძე) ლოცვა-კურთხევით, გიმნაზიაში დედა ენის დღისადმი მიძღვნილი ღონისძიება გაიმართა.
ღონისძიების ორგანიზება ქართული ენისა და ლიტერატურის პედაგოგმა, ქალბატონმა მარინე ხვედელიძემ უზრუნველყო. აქტივობაში მონაწილეობა მიიღეს მე-6 კლასის მოსწავლეებმა (დამრიგებელი — ქალბატონი ნინო ხარაძე), რომლებმაც მრავალფეროვანი პროგრამა წარადგინეს.
მოსწავლეებმა წარმოადგინეს ლექსები, მხატვრული ნომრები და სხვადასხვა შემოქმედებითი აქტივობა, რომლებიც ქართული ენის მნიშვნელობასა და მის უნიკალურობას უსვამდა ხაზს. ღონისძიების მიზანი იყო მოსწავლეებში მშობლიური ენის სიყვარულის გაღვივება და ეროვნული თვითშეგნების გაძლიერება.
დამსწრეებმა დადებითად შეაფასეს ღონისძიება და აღნიშნეს მსგავსი აქტივობების მნიშვნელობა მოზარდების სულიერ-კულტურული აღზრდის საქმეში.
მართლმადიდებელ ჟურნალისტთა კავშირი წერდა, კვირაცხოვლობის დღესასწაულზე მიტროპოლიტმა დავითმა ძველი შუამთის მონასტერში საღვთო ლიტურგია აღასრულა.
