ხელისუფლების წარმომადგენლებმა 9 აპრილის გმირთა ხსოვნას პატივი მიაგეს
გივი მიქანაძემ და ქვეყნის უმაღლესმა პირებმა გმირთა მემორიალი ყვავილებით შეამკეს.
საქართველოს განათლების, მეცნიერებისა და ახალგაზრდობის მინისტრმა გივი მიქანაძემ, საქართველოს პრეზიდენტ მიხეილ ყველაშვილთან, პრემიერ-მინისტრ ირაკლი კობახიძესთან, პარლამენტის თავმჯდომარე შალვა პაპუაშვილთან, ასევე მთავრობისა და პარლამენტის წევრებთან ერთად, 1989 წლის 9 აპრილს დაღუპულთა ხსოვნას პატივი მიაგო.
ხელისუფლების წარმომადგენლებმა გმირთა მემორიალი ყვავილებით შეამკეს და 9 აპრილის ტრაგედიის დროს დაღუპული მოქალაქეების ხსოვნას წუთიერი დუმილით მიაგეს პატივი.
9 აპრილი საქართველოს უახლესი ისტორიის ერთ-ერთი უმნიშვნელოვანესი თარიღია, რომელიც ერთდროულად ტრაგედიასა და თავისუფლებისთვის ბრძოლას უკავშირდება. ამ დღეს, 1989 წელს, საბჭოთა არმიამ თბილისში, რუსთაველის გამზირზე მშვიდობიანი აქცია ძალის გამოყენებით დაარბია, რასაც ათეულობით ადამიანის სიცოცხლე ემსხვერპლა.
მართლმადიდებელ ჟურნალისტთა კავშირმა დაწერა, დიდ ხუთშაბათს, მისმა უნეტარესობამ, უკრაინის პატრიარქმა ონოფრემ ლიტურგია აღასრულა.
