მიტროპოლიტმა შიომ 9 აპრილს დაღუპულ გმირებს პატივი მიაგო
საპატრიარქო ტახტის მოსაყდრემ მემორიალი გვირგვინით შეამკო და გმირთა სულების მოსახსენებელი პანაშვიდი გადაიხადა.
9 აპრილს, საქართველოს უახლესი ისტორიის ერთ-ერთ უმნიშვნელოვანეს დღესთან დაკავშირებით, საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ, 1989 წლის 9 აპრილის ტრაგედიის დროს დაღუპულ გმირთა ხსოვნას პატივი მიაგო.
მიტროპოლიტმა შიომ გმირთა მემორიალი გვირგვინით შეამკო და მათ სულების მოსახსენებლად პანაშვიდი გადაიხადა. სასულიერო პირებთან ერთად აღვლენილ მსახურებაზე გაიხსენეს სამშობლოს თავისუფლებისთვის თავგანწირული ადამიანები და მათ ღვაწლს კიდევ ერთხელ მიაგეს პატივი.
9 აპრილი საქართველოს ისტორიაში ტრაგედიისა და ეროვნული ერთიანობის სიმბოლოდ რჩება. ამ დღეს ქართველმა ხალხმა თავისუფლებისა და დამოუკიდებლობისთვის ბრძოლაში უმძიმესი მსხვერპლი გაიღო, რაც ქვეყნის დამოუკიდებლობის აღდგენის გზაზე გადამწყვეტ ეტაპად იქცა.
მართლმადიდებელ ჟურნალისტთა კავშირი წერდა, ექსკლუზივი: პატრიარქი თეოფილე III კომენტარს აკეთებს წმინდა საფლავის ტაძრის გახსნაზე.
