სამების საკათედრო ტაძარში შვიდგზის ზეთისცხების საიდუმლო შესრულდა
მსახურებას ვნების შვიდეულის ოთხშაბათს მიტროპოლიტი შიო (მუჯირი) ხელმძღვანელობდა.
ვნების შვიდეულის ოთხშაბათს, თბილისის ყოვლადწმინდა სამების სახელობის საპატრიარქო ტაძარში შვიდგზის ზეთისცხების საიდუმლო აღესრულა.
ღვთისმსახურებას საქართველოს საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი) ხელმძღვანელობდა. მას თანამსახურებდნენ სასულიერო პირები და სტიქაროსნები.
ზეთისცხების საიდუმლო, რომელიც ეკლესიაში სულიერი და ხორციელი კურნებისათვის აღესრულება, განსაკუთრებულად მნიშვნელოვან ადგილს იკავებს ვნების შვიდეულის ღვთისმსახურებებში და მრევლს უფლის მადლის მიღების შესაძლებლობას აძლევს.
მსახურებას მრავალი მორწმუნე დაესწრო, რომლებმაც ერთობლივი ლოცვითა და რწმენით მიიღეს წმინდა ზეთი და სულიერი განმტკიცება.
მართლმადიდებელ ჟურნალისტთა კავშირი წერდა, პირველშეწირულის ლიტურგია წმინდა ნიკოლოზის ტაძარში – მსახურება მამა ნაზარ ბასილაიამ აღასრულა.
