სომხური სამოციქულო ეკლესია 6 იანვარს ქრისტეშობის ბრწყინვალე დღესასწაულს აღნიშნავს
თბილისის სურბ გევორგის საკათედრო ტაძარში სადღესასწაულო ლიტურგია და წყლის კურთხევა აღესრულა.
6 იანვარს სომხური სამოციქულო მართლმადიდებლური ეკლესია მაცხოვრის შობის ბრწყინვალე დღესასწაულს აღნიშნავს. ამ დღეს, ტრადიციის შესაბამისად, სადღესასწაულო საღმრთო ლიტურგია აღესრულა თბილისის სურბ გევორგის საკათედრო ტაძარში.
ღვთისმსახურების დროს აკურთხეს წყალი, რომელიც მრევლს სახლში მიაქვს და სნეულთა სამკურნალო და სულიერი კურთხევის ნიშნად იყენებს. სომხური ეკლესიის კალენდრის მიხედვით, ქრისტეშობის წინა ერთი კვირა მარხვის პერიოდია.
შობის ბრწყინვალე დღესასწაული სომხურ ეკლესიაში 5 იანვრის საღამოს იწყება და შუაღამის შემდეგ სრულდება. ამ დღეს ყველა სომხურ ტაძარში აღესრულება ნათლისღების ჭრაგალუიცი. ეკლესიაში დანთებული სანთლები მორწმუნეებს სახლში მიაქვთ, რაც ღვთაებრივი ნათელის, ეკლესიის კურთხევისა და ბეთლემის ვარსკვლავის სინათლის სიმბოლოს წარმოადგენს.
მართლმადიდებელ ჟურნალისტთა კავშირი წერდა, ფოთისა და ხობის ეპარქიაში 30–31 დეკემბერს მრავალმნიშვნელოვანი საეკლესიო მოვლენები ჩატარდა.
