ზუგდიდისა და ცაიშის ეპარქიამ გიორგობის დღესასწაული საზეიმოდ აღნიშნა
მიტროპოლიტმა გერასიმემ სადღესასწაულო საღმრთო ჟამისწირვა დიდმოწამე გიორგის ტაძარში აღავლინა.
გიორგობის დღესასწაულთან დაკავშირებით, მისმა მაღალყოვლადუსამღვდელოესობამ, ზუგდიდისა და ცაიშის მიტროპოლიტმა გერასიმემ, სადღესასწაულო საღმრთო ჟამისწირვა აღავლინა დიდმოწამე გიორგის ტაძარში.
ჟამისწირვის დასრულების შემდეგ მიტროპოლიტმა მრევლს ქადაგებით მიმართა და მიულოცა წმიდა დიდმოწამე გიორგის ხსენების დღე, მრევლს სულიერი ძალის და დაცვის მიგვახვედრა უსურვა.
„დიდმოწამეო გიორგი, დაიცევ სრულიად საქართველო, მოსახელენი და მვედრებელნი შენნი! ამინ!“ — აღნიშნა მიტროპოლიტმა.
შეგახსენებთ, 23 ნოემბერს, საქართველოს მართლმადიდებლური ეკლესია გიორგობის ბრწყინვალე დღესასწაულს ზეიმობს. (ეკლესია წმინდა გიორგის ხსენებას წელიწადში ორჯერ, 6 მაისს - წმიდანის აღსრულების დღეს და 23 ნოემბერს - მისი ბორბალზე წამების დღეს, დღესასწაულობს).
წმინდა გიორგი კაპადოკიელი დიდებული იყო, რომელიც რომის ლაშქარში მსახურობდა და თავის სიმამაცით იმპერატორ დიოკლეტიანეს ყურადღება მიუპყრია. მალე მისი პირადი მცველი და შემდეგ მისი მხედართმთავარიც გამხდარა. გიორგიმ მეფის წინაშე კერპთაყვანისმცემლობა დაგმო და ქრისტიანობა იქადაგა.
მართლმადიდებელ ჟურნალისტთა კავშირი წერდა, მიტროპოლიტ შიოს ქადაგება დიდმოწამე გიორგის ხსენების დღეს.
