ჭიათურის საჯარო სკოლებში „ღირებულებითი განათლების“ კლუბები შეხვდნენ
ჭიათურისა და საჩხერის ეპარქიის საჯარო სკოლებში „ღირებულებითი განათლების“ კლუბების შეხვედრა.
2026 წლის 16 და 19 ოქტომბერს ჭიათურისა და საჩხერის ეპარქიის საჯარო სკოლებში „ღირებულებითი განათლების“ კლუბების ფარგლებში შეხვედრები გაიმართა. სასულიერო პირებმა მოსწავლეებთან ადამიანის მისიისა და პიროვნული განვითარების საკითხებზე ისაუბრეს.
სოფელ გორისის საჯარო სკოლაში შეხვედრას მღვდელი ჯუანშერ ფხალაძე უძღვებოდა. შეხვედრის თემა იყო „ადამიანის მისია“. ამავე საკითხზე საჩხერის მეორე საჯარო სკოლის მოსწავლეებს დეკანოზი ზურაბ გველესიანი ესაუბრა, ხოლო ჭიათურის მეოთხე საჯარო სკოლაში დეკანოზმა გიორგი გოგოლაშვილმა შეხვედრა თემაზე — „ხედვა და პერსპექტივა“ — ჩაატარა.
ჭიათურისა და საჩხერის ეპარქიის 17 საჯარო სკოლაში „ღირებულებითი განათლების“ კლუბები ფუნქციონირებს. კლუბების ხელმძღვანელი სასულიერო პირები ცდილობენ, შეხვედრები მოსწავლეებისთვის საინტერესო იყოს და მათი აქტიური ჩართულობით წარიმართოს.
შეხვედრების მიზანია ახალგაზრდებში ზნეობრივი ღირებულებების გააზრებისა და პიროვნული განვითარების ხელშეწყობა. განსაკუთრებული ყურადღება ეთმობა სიყვარულის, სიკეთის, თანაგრძნობის, ურთიერთპატივისცემისა და პასუხისმგებლობის მნიშვნელობას.
„ღირებულებითი განათლების“ კლუბების საქმიანობა ემსახურება ახალგაზრდების სულიერ და ზნეობრივ აღზრდას და მათთვის ამ ღირებულებების ყოველდღიურ ცხოვრებაში მნიშვნელობის გაცნობიერებას.
მართლმადიდებელ ჟურნალისტთა კავშირი წერდა, საჩხერის სოფელ ქორეთში კვირაცხოვლობის სახელობის ტაძარი აკურთხეს.
წაიკითხეთ ასევე
20 ოქტომბერს ეკლესია წმინდა ამბროსი აღმსარებლის ხსენებას აღნიშნავს
სრულიად საქართველოს კათოლიკოს-პატრიარქმა ამბროსი ხელაიამ სიცოცხლე ეკლესიის, სამშობლოსა და ქართული სულიერი და კულტურული მემკვიდრეობის დაცვას მიუძღვნა.
მიტროპოლიტმა გერასიმემ ივერიის ღვთისმშობლის ტაძარში საკვირაო წირვა აღავლინა
ღვთისმსახურების დასრულების შემდეგ ზუგდიდისა და ცაიშის მიტროპოლიტმა მრევლს ქადაგებით მიმართა და დალოცა.
დეკანოზი ანდრია ჯაღმაიძე ჟურნალისტური ეთიკის ქარტიის განცხადებას გამოეხმაურა
საპატრიარქოს საზოგადოებასთან ურთიერთობის სამსახურის ხელმძღვანელის განცხადებით, „ტვ პირველისა“ და „ფორმულასთვის“ აკრედიტაციის შეზღუდვა საეკლესიო შინაგანაწესის არაერთგზის დარღვევას უკავშირდებოდა და ლიტურგიკული წესრიგის დაცვას ემსახურებოდა.
გელათის სასულიერო აკადემიასა და სემინარიაში სამეცნიერო კონფერენცია გაიმართა
კონფერენციის მოხსენებები საქართველოში ქრისტიანობის გავრცელებისა და სახელმწიფო რელიგიად გამოცხადების საკითხებს, ალავერდელი ეპისკოპოსის ზებედესა და წმინდა ნინოს ჯვრის ისტორიულ-წყაროთმცოდნეობით კვლევას შეეხებოდა.
ვატიკანში ილია II-ის ხსოვნისადმი მიძღვნილი კონცერტი და გამოფენა გაიმართა
კონცერტი გამართა ბათუმის სახელმწიფო მუსიკალური ცენტრის კაპელამ.
პატრიარქმა ბართლომეოსმა ბულგარეთში ლიტურგიაზე დუმენკო მოიხსენია
ეკლესიაში შეკრებილმა მორწმუნეებმა პატრიარქ ბართლომეოსის მიერ განხეთქილების მოხსენიებას „ანათემა!“ შეძახილებით უპასუხეს.