„ტვ პირველისა“ და „ფორმულას“ ჟურნალისტები სვეტიცხოვლობის დღესასწაულს ვერ გააშუქებენ

დეკანოზი ანდრია ჯაღმაიზე და ,,ტვ პირველის'' ჟურნალისტი ნოდარ მელაძე სვეტიცხოვლობის დღესასწაულზე. ფოტო არქივი: სქრინშოტი ტვ პირველი

14 ოქტომბერს, სვეტიცხოვლობის დღესასწაულზე დასასწრებად და ღვთისმსახურების გასაშუქებლად, ტელეკომპანიების — „ტვ პირველისა“ და „ფორმულას“ ჟურნალისტებს აკრედიტაციაზე უარი ეთქვათ.

აღნიშნულ საკითხზე გავრცელებული განცხადების თანახმად, გადაწყვეტილება განაპირობა ამ ტელეკომპანიების წარმომადგენლების მიერ, მრავალგზის გაფრთხილების მიუხედავად, დიდ საეკლესიო დღესასწაულებზე ტაძრის ტერიტორიაზე მოქმედი შინაგანაწესის სისტემატურმა დარღვევამ. განცხადებაში ნათქვამია, რომ ჟურნალისტები თვითნებურად ტოვებდნენ მედიისთვის სპეციალურად გამოყოფილ სივრცეს და ქმნიდნენ ღვთისმსახურებისთვის შეუფერებელ ვითარებას.

განცხადების ავტორის შეფასებით, მსგავსი შემთხვევები საზოგადოების ყურადღებას დღესასწაულის არსიდან დაპირისპირებაზე გადააქვს, რაც ჩრდილავს მის სულიერ მნიშვნელობას და მორწმუნეთა საზეიმო განწყობაზე უარყოფითად აისახება.

გადაწყვეტილების ერთ-ერთ საფუძვლად დასახელებულია 2025 წლის 14 ოქტომბერს, სვეტიცხოვლობის დღესასწაულზე მომხდარი შემთხვევაც. განცხადებაში მითითებულია „ტვ პირველის“ მიერ გადაღებულ თანდართულ ვიდეომასალაზე, რომელიც, ავტორის განმარტებით, აღნიშნულ გარემოებებს ასახავს.

„შეზღუდვის მიზანი არ არის მედიის საქმიანობის ხელშეშლა, არამედ საეკლესიო დღესასწაულის მშვიდ გარემოში ჩატარება, ლიტურგიკული წესრიგისა და მომლოცველთა ინტერესების დაცვა“, — აღნიშნულია განცხადებაში.

მართლმადეიდებელ ჟურნალისტთა კავშირი წერდა, დეკანოზი ანდრია ჯაღმაიძე: პატრიარქის დაკრძალვისთვის გამოყოფილი თანხის ძირითადი ნაწილი არ დაიხარჯა.

წაიკითხეთ ასევე