ქუთაისის სახელმწიფო მუზეუმში ქრისტიანული საგანძურის გამოფენა გაიმართა
ქუთაისის სახელმწიფო ისტორიულ მუზეუმში ქრისტიანული ხელოვნების საგანძურის გამოფენა. ფოტო: ეპარქიის გვერდი
2026 წლის 11 ოქტომბერს ქუთათელ-გაენათელი მიტროპოლიტი იოანე ნიკო ბერძენიშვილის სახელობის ქუთაისის სახელმწიფო ისტორიულ მუზეუმს ეწვია, სადაც დროებითი გამოფენის — „ქუთაისის სახელმწიფო ისტორიული მუზეუმის ქრისტიანული ხელოვნების საგანძური“ — ფარგლებში გამართულ ღონისძიებაში მონაწილეობა მიიღო.
გამოფენა საქართველოში ქრისტიანობის სახელმწიფო რელიგიად გამოცხადების 1700 წლისთავს მიეძღვნა და მიზნად ისახავდა მუზეუმის ფონდებში დაცული საეკლესიო სიძველეებისა და ეროვნული მემკვიდრეობის ნიმუშების ფართო საზოგადოებისთვის წარმოჩენას.
ექსპოზიციაში წარმოდგენილი იყო X–XVIII საუკუნეებით დათარიღებული ქრისტიანული ხელოვნების ნიმუშები, მათ შორის ქართული ხელნაწერი წიგნები, ოქრომჭედლობის ნიმუშები, ჭედური და ფერწერული ხატები, აგრეთვე საეკლესიო ნაქარგობა. გამოფენამ დამთვალიერებელს ქართული საეკლესიო ხელოვნების მრავალფეროვნებისა და სხვადასხვა ეპოქის შემოქმედებითი ტრადიციების გაცნობის შესაძლებლობა მისცა.
ღონისძიების ფარგლებში გაიმართა საქართველოს კულტურის სამინისტროს დაფინანსებით გამოცემული კატალოგის — „ქუთაისის სახელმწიფო ისტორიული მუზეუმის ქრისტიანული ხელოვნების საგანძური“ — პრეზენტაციაც.
ღონისძიებას საეკლესიო საგალობლებით აფორმებდა ქუთაის-გაენათის ეპარქიასთან არსებული ტრადიციული გალობის გუნდი „სიხარული“, შიო მუშკუდიანის ხელმძღვანელობით.
მართლმადიდებელ ჟურნალისტთა კავშირი წერდა, 11 ოქტომბერს პალიასტომის ღვთისმშობლის სასწაულთმოქმედი ხატის დღესასწაულია.
წაიკითხეთ ასევე
საქართველოს პრემიერ-მინისტრი საეკლესიო დელეგაციების წარმომადგენლებს შეხვდა
შეხვედრაზე უირადღბა გამახვილდა საქართველოს ეკლესიის განსაკუთრებულ როლზე ქვეყანაში სულიერი ღირებულებების შენარჩუნებისა და განმტკიცების საქმეში.
უფლისციხეში ეთნოფესტივალი გაიმართება
17–18 ოქტომბერს დაგეგმილი ორდღიანი პროგრამა სამეცნიერო კონფერენციას, ისტორიული სამოსის გამოფენას, ტრადიციული რეწვისა და ეთნოკულინარიის ღონისძიებებსა და გალა-კონცერტს გააერთიანებს.
დეკანოზი ანდრია ჯაღმაიძე ტაძრებში ელექტრონული აპარატების განთავსებაზე
საპატრიარქოს საზოგადოებასთან ურთიერთობის სამსახურის ხელმძღვანელის, დეკანოზ ანდრია ჯაღმაიძის განცხადებით, იმ ტაძრებში, სადაც ელექტრონული შესაწირი აპარატის განთავსების სურვილი და საჭიროება იქნება, შესაბამის მოწყობილობას ბანკი დაამონტაჟებს.
მართლმადიდებელი ეკლესიების წარმომადგენლებმა თბილისის ტაძრები მოილოცეს
საქართველოში ქრისტიანობის სახელმწიფო რელიგიად გამოცხადების 1700 წლისთავთან დაკავშირებით ჩამობრძანებულმა მღვდელმთავრებმა პატრიარქ ილია II-ის საფლავთან პანაშვიდი აღავლინეს.
თბილისის სასულიერო აკადემიაში ფსიქოლოგმა თამარ მირცხულავამ ლექცია წაიკითხა
შეხვედრა ადამიანის ფსიქოლოგიური განვითარების ეტაპებს, ასაკობრივ კრიზისებსა და დევიაციური ქცევის გამომწვევ მიზეზებს დაეთმო.
მიტროპოლიტმა დიმიტრიმ ბათუმის საკათედრო ტაძარში ღვთისმსახურება აღასრულა
10 ოქტომბერს ღვთისმშობლის შობის სახელობის საკათედრო ტაძარში შაბათი დღის მსახურებას მიტროპოლიტი დიმიტრი უძღვებოდა.