ამ წუთებში პატრიარქი შიო III წმინდა იოანე ღვთისმეტყველის ტაძარში მიბრძანდა

ამ წუთებში უწმინდესი და უნეტარესი, სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი შიო III თბილისის, ვერაზე მდებარე წმინდა იოანე ღვთისმეტყველის სახელობის ტაძარში მიბრძანდა, სადაც სამღვდელოებასთან ერთად ღვთისმსახურებას აღავლენს.

საპატრიარქო ღვთისმსახურება წმინდა მოციქულისა და მახარებლის, იოანე ღვთისმეტყველის მიცვალების დღეს უკავშირდება. საქართველოს მართლმადიდებელი ეკლესია წმინდანის ხსენებას 9 ოქტომბერს აღნიშნავს. ეს თარიღი წმინდა იოანე ღვთისმეტყველის სახელობის ტაძრისთვის განსაკუთრებული მნიშვნელობისაა.

წმინდა იოანე ღვთისმეტყველი მაცხოვრის თორმეტ მოციქულთაგანი და მისი უსაყვარლესი მოწაფე იყო. იგი მაცხოვრის ჯვარცმისას ყოვლადწმინდა ღვთისმშობელთან ერთად ჯვართან იდგა. სწორედ მას მიანდო უფალმა თავისი დედის მზრუნველობა.

იოანე მოციქულის სახელს უკავშირდება მეოთხე სახარება, სამი ეპისტოლე და გამოცხადების წიგნი. მის ნაწერებში განსაკუთრებული ადგილი უჭირავს ღვთისა და მოყვასის სიყვარულს, რის გამოც მას სიყვარულის მოციქულსაც უწოდებენ.

მართლმადიდებელ ჟურნალისტთა კავშირი წერდა, საქართველოს კათოლიკოს-პატრიარქი შიო III დელეგაციების შეხვედრაზე მიბრძანდა.

წაიკითხეთ ასევე