გრძელდება ცაგერისა და ლენტეხის ეპარქიის დალოცვა
ცაგერისა და ლენტეხის ეპარქიის დალოცვა. ფოტო: ეპარქიის გვერდი
30 სექტემბერს, ცაგერისა და ლენტეხის ეპარქიის დალოცვის ფარგლებში, ჭყონდიდელმა მიტროპოლიტმა სტეფანემ (კალაიჯაშვილი) ეპარქიის სხვადასხვა სოფელი მოინახულა და ადგილობრივ მოსახლეობასთან შეხვედრები გამართა.
მეუფე სტეფანემ სოფელ ზარაგულაში საღვთო ლიტურგია აღასრულა. ღვთისმსახურების დროს მრევლთან ერთად ილოცა სოფლის მოსახლეობამ და სასულიერო პირებმა.
ლიტურგიის დასრულების შემდეგ ჭყონდიდელმა მიტროპოლიტმა სოფელ ქვედა ლუხვანოში ადგილობრივ მოსახლეობასთან შეხვედრა გამართა. შეხვედრისას მეუფემ მოსახლეობის საჭიროებები მოისმინა, გაესაუბრა მათ და დალოცა.
ეპარქიის დალოცვის ფარგლებში მიტროპოლიტმა სტეფანემ სოფელ ზედა ლუხვანოშიც მოინახულა ყოვლადწმინდა ღვთისმშობლის მიძინების სახელობის მშენებარე ტაძარი, სადაც პარაკლისი აღასრულა.
მეუფე სტეფანემ ტაძრის მშენებლობისა და სოფლის სულიერი ცხოვრების შესახებაც ისაუბრა და შეკრებილი მრევლი დალოცა.
მართლმადიდებელ ჟურნალისტთა კავშირი ადრე წერდა, ჭყონდიდელმა მიტროპოლიტმა წმინდა გიორგის მონასტერში საღვთო ლიტურგია აღავლინა.
წაიკითხეთ ასევე
გრძელდება ცაგერისა და ლენტეხის ეპარქიის დალოცვა
მიტროპოლიტმა სტეფანემ სოფელ ზარაგულაში საღვთო ლიტურგია აღასრულა, ქვედა ლუხვანოში მოსახლეობას შეხვდა, ხოლო ზედა ლუხვანოში მშენებარე ტაძარში პარაკლისი გადაიხადა.
ევროპული ენების დღე წმინდა გაბრიელ მთავარეპისკოპოსის სკოლა-გიმნაზიაში
მე-5 კლასის მოსწავლეებისთვის უცხოური ენების კათედრის წევრებმა საგანმანათლებლო და სახალისო ვიქტორინა გამართეს.
ფერისცვალების სამრევლო სკოლაში დეკანოზ ბორის ნიჩიპეროვიჩს შეხვდებიან
შეხვედრის თემა იქნება „წმინდა გრიგოლ ხანძთელიდან დავით აღმაშენებლამდე“.
1 ოქტომბერს ბიძინა ჩოლოყაშვილისა და ქსნის ერისთავთა ხსენების დღე აღინიშნება
წმინდა მოწამეებმა ბიძინა ჩოლოყაშვილმა, შალვა და ელიზბარ ქსნის ერისთავებმა XVII საუკუნეში ქრისტეს სარწმუნოებისა და სამშობლოსთვის მოწამეობრივი აღსასრულით დაამოწმეს ერთგულება.
რუმინეთში წმინდა გაბრიელ აღმსარებლის სახელობის ახალი ტაძარი შენდება
ტაძრის საძირკვლის ქვა ახალციხისა და ტაო-კლარჯეთის მიტროპოლიტმა თეოდორემ და რამინკუ-ვილჩას მთავარეპისკოპოსმა ვარსანოფიმ აკურთხეს.
რუსეთის მართლმადიდებელი ეკლესიის დელეგაცია საქართველოს საპატრიარქოს ეწვია
საქართველოს კათოლიკოს-პატრიარქმა შიო III-მ რუსეთის ეკლესიის წარმომადგენლებს უმასპინძლა — შეხვედრაზე ქვეყნებს შორის ურთიერთობებსა და მტკივნეულ რეგიონებში ეკლესიის მრევლთან კავშირის საკითხებზე იმსჯელეს.