ქუთაისში ეროვნულ გამოცდებზე უმაღლესი შედეგების მქონე აბიტურიენტები დააჯილდოვეს

სტუდენტების დაჯილდოება ქუთაისში. ფოტო: rustavi2

ქუთაისში ერთიან ეროვნულ გამოცდებზე საუკეთესო შედეგების მქონე ახალგაზრდების დაჯილდოების ღონისძიება გაიმართა. ღონისძიებას ქუთაისის ტექნოლოგიურმა ჰაბმა უმასპინძლა.

ერთიან ეროვნულ გამოცდებზე ქალაქის მკვიდრმა 48 აბიტურიენტმა უმაღლესი ქულები მოიპოვა და მაღალი შედეგებით გამოირჩეოდა.

წარმატებულ ახალგაზრდებს ჯილდოები და სიგელები ქუთაისის მერმა, დავით ერემეიშვილმა, მერის მოადგილესთან ერთად გადასცა.

ღონისძიებას ქუთათელ-გაენათელი მიტროპოლიტი იოანე დაესწრო. ქუთათელ-გაენათელმა მიტროპოლიტმა იოანემ წარმატებული ახალგაზრდები დალოცა და მათ მომავალ საქმიანობაში წარმატებები უსურვა.

ქუთაისის მერის, დავით ერემეიშვილის, განცხადებით, მუნიციპალიტეტი წარჩინებული ახალგაზრდების მხარდაჭერას მომავალშიც გააგრძელებს.

„ქუთაისის მუნიციპალიტეტის მერიამ დღეს დავაჯილდოვეთ ის ახალგაზრდები, რომლებმაც მაქსიმალური შედეგი დადეს ეროვნულ გამოცდებზე. ჩვენ ყოველთვის აქტიურად ვუჭერთ მხარს წარჩინებულ მოსწავლეებს და ასეც გავაგრძელებთ მომდევნო წლებშიც“, – განაცხადა დავით ერემეიშვილმა.

მართლმადიდებელ ჟურნალისტთა კავშირი წერდა, ქუთათელ-გაენათელმა მიტროპოლიტმა იოანემ ეპარქიის სასულიერო პირები დააჯილდოვა.

წაიკითხეთ ასევე