გორის ყოვლადწმინდა სამების ტაძარს დეკანოზი ანატოლი ფიოდორუკი ეწვია

დეკანოზი ანატოლი ფიოდორუკი ღვთისმსახურებაზე. ფოტო: გორის ყოვლადწმიდა სამების ტაძარი

27 სექტემბერს მართლმადიდებელი ეკლესია ჯვართამაღლების დღესასწაულს აღნიშნავდა.

დღესასწაულთან დაკავშირებით ტაძარში სადღესასწაულო ღვთისმსახურება აღევლინა, რომელიც ტაძრის წინამძღვარმა სტუმარ დეკანოზ ანატოლი ფიოდორუკთან ერთად აღასრულა.

დეკანოზი ანატოლი ფიოდორუკი პოლონეთში, წმინდა ილია თეზბიტელის სახელობის ტაძრის წინამძღვარია. იგი ასევე ბელოსტოკში წმინდა მღვდელმოწამე გრიგოლ ფერაძის სახელობის ტაძრის მშენებლობის ინიციატორი და აღმშენებელია.

სადღესასწაულო მსახურებაში მონაწილეობდა დეკანოზ ანატოლე ფიოდორუკის ტაძრის მგალობელთა გუნდიც, რომელმაც ღვთისმსახურებას საზეიმო და განსაკუთრებული სულიერი განწყობა შესძინა.

ჯვართამაღლების დღესასწაულზე ტაძარში შეკრებილმა მრევლმა პატივი მიაგო უფლის პატიოსან და ცხოველსმყოფელ ჯვარს და სადღესასწაულო მსახურებას დაესწრო.

მართლმადიდებელ ჟურნალისტთა კავშირი წერდა, 24 სექტემბერს მართლმადიდებელი ეკლესია 300 არაგველთა ხსენებას აღნიშნავს.

წაიკითხეთ ასევე