ფოთში საკათედრო ტაძრის საძირკვლის კურთხევიდან 120 წლის იუბილე აღინიშნა

ეპისკოპოსი მელქისედეკი (ხაჩიძე) ესტუმრა ფოთისა და ხობის ეპარქიას. ფოტო: ეპარქიის გვერდი

2026 წლის 27 სექტემბერს მარგვეთისა და უბისის ეპისკოპოსი მელქისედეკი (ხაჩიძე) ფოთისა და ხობის ეპარქიას ესტუმრა.

ვიზიტის ფარგლებში, ჯვართამაღლების დღესასწაულთან და ფოთის მაცხოვრის ბრწყინვალე აღდგომის სახელობის საკათედრო ტაძრის საძირკვლის კურთხევიდან 120 წლის იუბილესთან დაკავშირებით, ფოთის საკათედრო ტაძარში საზეიმო საღვთო ლიტურგია აღევლინა.

ფოთისა და ხობის მიტროპოლიტ გრიგოლის (ბერბიჭაშვილი) მიწვევით, სადღესასწაულო მსახურებაში მონაწილეობა მარგვეთისა და უბისის ეპისკოპოსმა მელქისედეკმაც მიიღო.

საზეიმო წირვაზე სასულიერო პირებთან და მრევლთან ერთად იმყოფებოდნენ ეპარქიის სტუმრები და ადგილობრივი მორწმუნეები.

27 სექტემბერს საქართველოს მართლმადიდებელი ეკლესია ჯვართამაღლების დღესასწაულს აღნიშნავს. ამავე დღეს ფოთის მაცხოვრის ბრწყინვალე აღდგომის სახელობის საკათედრო ტაძრის ისტორიასთან დაკავშირებული მნიშვნელოვანი თარიღი — მისი საძირკვლის კურთხევიდან 120 წლის იუბილე — აღინიშნა.

მართლმადიდებელ ჟურნალისტთა კავშირმა დაწერა, მიტროპოლიტი გრიგოლი წმ. ნიკოლოზის სახელობის სკოლას ეწვია.

წაიკითხეთ ასევე