შიდა ქართლის ჩრდილოეთ სოფლებში ლოცვითი მსვლელობა გრძელდება

გორისა და ატენის მიტროპოლიტი ანდრია. ფოტო: ეპარქიის გვერდი

ქრისტიანობის სახელმწიფო რელიგიად გამოცხადების 1700 წლისთავთან დაკავშირებით, გორისა და ატენის ეპარქიაში ლოცვითი მსვლელობა გრძელდება.

ლოცვითი მსვლელობის ფარგლებში უკვე დაილოცა შიდა ქართლის სამხრეთი მხარე, ამჟამად კი ლოცვითი მსვლელობა რეგიონის ჩრდილოეთ ნაწილში, ე.წ. საზღვრისპირა სოფლებში გრძელდება.

19 სექტემბერს, 13:00 საათზე, ლოცვითი მსვლელობის მონაწილეები კოდისწყაროს წმინდა გიორგის სახელობის ტაძარში შეიკრიბებიან. აღევლინება ლოცვა და შესრულდება სოფლის კურთხევის წესი.

ლოცვითი მსვლელობის მიზანია შიდა ქართლის სოფლებში მცხოვრები მოსახლეობის, მათი ოჯახებისა და მთელი მხარისთვის ღვთის შეწევნისა და მფარველობის თხოვნა, ასევე ქრისტიანული სარწმუნოებისა და ეროვნული სულიერი მემკვიდრეობის კიდევ ერთხელ წარმოჩენა.

მსვლელობაში მონაწილეობა სასულიერო პირებსა და მრევლთან ერთად ნებისმიერ მსურველს შეუძლია.

მართლმადიდებელ ჟურნალისტთა კავშირი ადრე წერდა, ცაგერისა და ლენტეხის ეპარქიაში მომლოცველობითი მსვლელობა გაიმართა.