მიტროპოლიტმა გიორგიმ საღვთო ლიტურგია ქვედა სიმონეთში აღავლინა

ტყიბულისა და თერჯოლის მიტროპოლიტი გიორგი

26 ივლისს, საკვირაო მსახურება მაღალყოვლადუსამღვდელოესმა, ტყიბულისა და თერჯოლის მიტროპოლიტმა გიორგიმ ქვედა სიმონეთის მთავარანგელოზ გაბრიელის სახელობის ტაძარში აღავლინა.

საღვთო ლიტურგიას ადგილობრივი სამღვდელოების წარმომადგენლები, ტაძრის მრევლი და მომლოცველები ესწრებოდნენ. ღვთისმსახურების მიმდინარეობისას აღევლინა ლოცვები საქართველოს, ქართველი ერის, ეკლესიის სიმტკიცისა და მშვიდობისთვის.

ლიტურგიის დასრულების შემდეგ მიტროპოლიტმა გიორგიმ მრევლს ქადაგებით მიმართა, ისაუბრა საკვირაო სახარების მნიშვნელობაზე, ქრისტიანული ცხოვრების არსსა და ღვთისადმი ერთგულების აუცილებლობაზე. მან მორწმუნეებს მოუწოდა, შეინარჩუნონ რწმენა, სიყვარული და ლოცვითი ცხოვრება.

მართლმადიდებელ ჟურნალისტთა კავშირი წერდა, ეპისკოპოსმა საბამ ფილადელფიაში ქართული სამრევლოების მოძღვრებსა და მრევლს უმასპინძლა.