ჭყონდიდელმა მიტროპოლიტმა სტეფანემ ნაჯახავოსა და ბანძის ტაძრებში იმსახურა
შეხვედრა ჯეგელეკარის და ბანძის მოსახლეობასთან. ფოტო: ჭყონდიდის ეპარქია
30 ივნისს ჭყონდიდელმა მიტროპოლიტმა სტეფანემ (კალიჯაშვილი) საღმრთო ლიტურგია ნაჯახავოს მთავარანგელოზთა სახელობის ტაძარში აღასრულა. ღვთისმსახურებას სასულიერო პირები და მრევლი ესწრებოდნენ.
ლიტურგიის დასრულების შემდეგ მიტროპოლიტის ლოცვა-კურთხევით საეკლესიო მსვლელობა ნაჯახავოდან ბანძის მიმართულებით გაგრძელდა. მსვლელობაში სასულიერო პირებთან ერთად მონაწილეობდნენ ადგილობრივი მოსახლეობა და მომლოცველები.
მსვლელობის მონაწილეები ბანძის ყოვლადწმინდა ღვთისმშობლის მიძინების სახელობის ტაძარში შეიკრიბნენ, სადაც მეუფე სტეფანემ პარაკლისი აღასრულა. მსახურების დროს აღევლინა ლოცვა ეკლესიის, სამშობლოს, ქართველი ერისა და თითოეული მორწმუნის კეთილდღეობისთვის.
დღის ღონისძიებები საეკლესიო ტრადიციის შესაბამისად, ერთობლივი ლოცვითა და მორწმუნეთა მონაწილეობით დასრულდა.
მართლმადიდებელ ჟურნალისტთა კავშირი წერდა, წყალტუბოს სოფელ მაღლაკში ოქონის წმინდა გიორგის სახელობის ტაძარი აკურთხეს.
წაიკითხეთ ასევე
თბილისში წმინდა ნინოს ეკლესიის რეაბილიტაცია იგეგმება
შიო ჩიტაძის ქუჩაზე მდებარე ისტორიული ტაძრის პროექტი კონსტრუქციული მდგომარეობის გაუმჯობესებას, დაზიანებების აღმოფხვრასა და ავთენტური სახის შენარჩუნებას ითვალისწინებს.
სვეტიცხოვლის სარეაბილიტაციო სამუშაოების მომზადებაში იტალიური კომპანია ჩაერთო
კულტურის მინისტრი მაია ბითაძე ტაძარში არსებულ მდგომარეობასა და დაგეგმილ სამუშაოებს ადგილზე გაეცნო — კვლევები საერთაშორისო ექსპერტებისა და ქართველი სპეციალისტების მონაწილეობით წარიმართება.
მეუფე გიორგი: „ტექნოლოგია უნდა ემსახურებოდეს ადამიანს და არა პირიქით“
მარნეულისა და ჰუჯაბის ეპისკოპოსი ციფრული ფულის საკითხზე ფართო საზოგადოებრივი განხილვის, პირადი ცხოვრების დაცვისა და ნაღდი ფულის გამოყენების შესაძლებლობის შენარჩუნების აუცილებლობაზე საუბრობს.
მიტროპოლიტმა იოანემ წმინდა კვიპრიანესა და იუსტინას ტაძარში პარაკლისი აღასრულა
ღვთისმსახურება წმინდა დიდმოწამეთა დავით და კონსტანტინე მხეიძეების, მღვდელმოწამე კვიპრიანესა და ქალწულმოწამე იუსტინას ხსენების დღეს გაიმართა.
ფილადელფიაში სვეტიცხოვლობა საზეიმო ღვთისმსახურებით აღინიშნა
საღმრთო ლიტურგია ჩრდილოეთ ამერიკის ეპისკოპოსმა საბამ აღავლინა — მრევლს ღვთისმშობლის წილხვდომილობის ხატისა და წმინდა გაბრიელ ბერის წმინდა ნაწილების მოლოცვის შესაძლებლობა მიეცა.
საქართველოს საპატრიარქო განცხადებას ავრცელებს
საქართველოს საპატრიარქო 14 ოქტომბერს სამთავროს მონასტერში აღვლენილ ღვთისმსახურებასთან დაკავშირებით გავრცელებულ ინფორმაციას გამოეხმაურა და საეკლესიო თანამსახურების წესზე განმარტება გაავრცელა.