ჭყონდიდის ეპარქიამ მეოთხე კვირის სამწყემსოს დალოცვის განრიგი გამოაქვეყნა

მიტროპოლიტი სტეფანე — ჭყონდიდის, ცაგერისა და ლენტეხის ეპარქიის მიტროპოლიტი

ჭყონდიდის ეპარქიამ სამწყემსო დალოცვის მეოთხე კვირის განრიგი გამოაქვეყნა. 2026 წლის 29 ივნისიდან 3 ივლისის ჩათვლით დაგეგმილია საღვთო ლიტურგიები, ლოცვითი მსვლელობები, პარაკლისები და ადგილობრივ მოსახლეობასთან შეხვედრები ეპარქიის სხვადასხვა სოფელსა და ტაძარში.

29 ივნისი, ორშაბათი:
დღე დაიწყება 10:00 საათზე ლეხაინდრავოს წმინდა ნინოს სახელობის ტაძარში აღსრულებული საღვთო ლიტურგიით. 14:00 საათზე ლეხაინდრავოს სკოლაში მოსახლეობასთან შეხვედრა გაიმართება. 16:00 საათზე შედგება ლოცვითი მსვლელობა ლეხაინდრავოდან ნაჯახავოში, სადაც მთავარანგელოზთა სახელობის ტაძარში პარაკლისი აღევლინება. დღის ბოლოს, 18:00 საათზე, შეხვედრა გაიმართება ნაგებერაოს სკოლაში.

30 ივნისი, სამშაბათი:
10:00 საათზე საღვთო ლიტურგია ნაჯახავოს მთავარანგელოზთა სახელობის ტაძარში აღევლინება. 14:00 საათზე დაიწყება მსვლელობა ნაჯახავოდან ბანძაში, სადაც ყოვლადწმინდა ღვთისმშობლის მიძინების სახელობის ტაძარში პარაკლისი შესრულდება. 18:00 საათზე ბანძის სკოლაში მოსახლეობასთან შეხვედრა გაიმართება.

1 ივლისი, ოთხშაბათი:
10:00 საათზე წირვა ბანძის ღვთისმშობლის მიძინების სახელობის ტაძარში აღევლინება. 14:00 საათზე გაიმართება მსვლელობა ბანძიდან ვედიდკარში, სადაც წმინდა მთავარანგელოზთა სახელობის ტაძარში პარაკლისი შესრულდება. 15:00 საათზე ეპარქიის წარმომადგენლები საელიაოს დედათა მონასტერს ეწვევიან, სადაც წმინდა ნინოს სახელობის ტაძარში პარაკლისი აღევლინება. 18:00 საათზე ვედიდკარის სკოლაში მოსახლეობასთან შეხვედრა გაიმართება.

2 ივლისი, ხუთშაბათი:
10:00 საათზე საღვთო ლიტურგია ვედიდკარის მთავარანგელოზთა სახელობის ტაძარში აღევლინება. 15:00 საათზე შედგება მსვლელობა ვედიდკარიდან მუხურჩაში, სადაც მშენებარე წმინდა თეოდორე ტირონის სახელობის ტაძარში პარაკლისი შესრულდება. 18:00 საათზე შეხვედრა გაიმართება მუხურჩის სკოლაში.

3 ივლისი, პარასკევი:
მეოთხე კვირის განრიგი დასრულდება ონოღიაში. 10:00 საათზე საღვთო ლიტურგია წმინდა იოანე ნათლისმცემლის სახელობის ტაძარში აღევლინება, ხოლო 14:00 საათზე ონოღიის სკოლაში მოსახლეობასთან შეხვედრა გაიმართება.

ჭყონდიდის ეპარქიის ინფორმაციით, სამწყემსოს დალოცვის ფარგლებში მღვდელმთავარი აგრძელებს ეპარქიის სოფლების მონახულებას, საერთო ლოცვაში მონაწილეობას და ადგილობრივ მოსახლეობასთან უშუალო შეხვედრებს.

მართლმადიდებელ ჟურნალისტთა კავშირი წერდა, გორისა და ატენის მიტროპოლიტმა ანდრიამ ეროვნული გამოცდების დაწყებამდე აბიტურიენტები დალოცა.

წაიკითხეთ ასევე