ბორჯომის პედაგოგები გურიასა და აჭარაში მომლოცველობით იმყოფებოდნენ

მომლოცველთა ჯგუფი გურიასა და აჭარაში

22–23 ივნისს ბორჯომის საგანმანათლებლო რესურსცენტრის უფროსი ხათუნა ხარაზიშვილი, ბორჯომის N1 საჯარო სკოლის დირექტორი ჯულიეტა ჯინჯოლავა და სკოლის პედაგოგიური კოლექტივი საქართველოს დასავლეთ რეგიონებში – გურიასა და აჭარაში – მომლოცველობით იმყოფებოდნენ.

მომლოცველობას წინამძღვრობდა დეკანოზი იოანე ხეცურიანი. ვიზიტის ფარგლებში ჯგუფმა მოილოცა რეგიონის სიწმინდეები და ისტორიული ტაძრები.

მომლოცველობის მონაწილეებმა განსაკუთრებული მადლიერება გამოხატეს ბათუმისა და ლაზეთის მიტროპოლიტ დიმიტრის მიმართ, რომელმაც, მათი თქმით, სტუმრებს სიყვარულითა და გულთბილი მასპინძლობით უმასპინძლა.

პედაგოგებმა აღნიშნეს, რომ მსგავსი სულიერი მოგზაურობა ხელს უწყობს პროფესიული კოლექტივის ერთიანობას, სულიერ განმტკიცებასა და იმ ღირებულებების გაღრმავებას, რომლებიც ქვეყნის მომავალი თაობების აღზრდისთვის განსაკუთრებულ მნიშვნელობას ატარებს.

მართლმადიდებელ ჟურნალისტთა კავშირი წერდა, უ-11 „ოდიშის“ გუნდი თურქეთში გამგზავრებამდე ზუგდიდის საკათედრო ტაძარში დალოცეს.

წაიკითხეთ ასევე