რენეში ქართულ-ფრანგული ასოციაცია „ერთობის“ ორგანიზებით ქართული ფოლკლორის საღამო გაიმართა
20 ივნისს, საფრანგეთის ქალაქ რენეში, ქართულ-ფრანგული ასოციაცია „ერთობის“ ორგანიზებით განსაკუთრებული კულტურული საღამო გაიმართა, რომელმაც ემიგრაციაში მცხოვრებ ქართველებს სამშობლოსთან სიახლოვის და ეროვნული ერთობის განცდა კიდევ ერთხელ აგრძნობინა.
ღონისძიების საპატიო სტუმარი იყო საქართველოდან ჩასული ფოლკლორული ანსამბლი „ხარება“, რომელმაც ქართული მრავალხმიანობისა და ეროვნული ფოლკლორის საუკეთესო ნიმუშები წარადგინა. ანსამბლის შესრულებამ დამსწრე საზოგადოებაში დიდი ემოცია გამოიწვია და ქართული კულტურისა და ტრადიციებისადმი სიყვარული კიდევ ერთხელ გააღვივა.
საღამო განსაკუთრებული ემოციებით იყო სავსე — ისმოდა ქართული სიმღერა, იგრძნობოდა მონატრება, სიხარული და სამშობლოს სიყვარული. უცხო ქვეყანაში შეკრებილ ქართველებს შესაძლებლობა მიეცათ, ერთმანეთის გვერდით კიდევ ერთხელ განეცადათ ის სულიერი კავშირი, რომელსაც ქართული კულტურა და ეროვნული იდენტობა აძლიერებს.
ღონისძიების ორგანიზატორებმა მადლობა გადაუხადეს ყველა მონაწილესა და მხარდამჭერს, რომლებმაც ეს დღე დასამახსოვრებელ მოვლენად აქციეს.
ქართულ-ფრანგულმა ასოციაცია „ერთობამ“ კიდევ ერთხელ დაადასტურა, რომ უცხოეთში მცხოვრები ქართველების გაერთიანება, ეროვნული ტრადიციების შენარჩუნება და ქართული კულტურის პოპულარიზაცია მისი საქმიანობის ერთ-ერთი მთავარი მიზანია.
მართლმადიდებელ ჟურნალისტთა კავშირი ადრე წერდა, რომ დასავლეთ ევროპის ეპარქიაში დეკანოზმა სპირიდონ გრიგოლაშვილმა სერბულ დედათა მონასტერში საღმრთო ლიტურგია აღავლინა
წაიკითხეთ ასევე
თბილისში წმინდა ნინოს ეკლესიის რეაბილიტაცია იგეგმება
შიო ჩიტაძის ქუჩაზე მდებარე ისტორიული ტაძრის პროექტი კონსტრუქციული მდგომარეობის გაუმჯობესებას, დაზიანებების აღმოფხვრასა და ავთენტური სახის შენარჩუნებას ითვალისწინებს.
სვეტიცხოვლის სარეაბილიტაციო სამუშაოების მომზადებაში იტალიური კომპანია ჩაერთო
კულტურის მინისტრი მაია ბითაძე ტაძარში არსებულ მდგომარეობასა და დაგეგმილ სამუშაოებს ადგილზე გაეცნო — კვლევები საერთაშორისო ექსპერტებისა და ქართველი სპეციალისტების მონაწილეობით წარიმართება.
მეუფე გიორგი: „ტექნოლოგია უნდა ემსახურებოდეს ადამიანს და არა პირიქით“
მარნეულისა და ჰუჯაბის ეპისკოპოსი ციფრული ფულის საკითხზე ფართო საზოგადოებრივი განხილვის, პირადი ცხოვრების დაცვისა და ნაღდი ფულის გამოყენების შესაძლებლობის შენარჩუნების აუცილებლობაზე საუბრობს.
მიტროპოლიტმა იოანემ წმინდა კვიპრიანესა და იუსტინას ტაძარში პარაკლისი აღასრულა
ღვთისმსახურება წმინდა დიდმოწამეთა დავით და კონსტანტინე მხეიძეების, მღვდელმოწამე კვიპრიანესა და ქალწულმოწამე იუსტინას ხსენების დღეს გაიმართა.
ფილადელფიაში სვეტიცხოვლობა საზეიმო ღვთისმსახურებით აღინიშნა
საღმრთო ლიტურგია ჩრდილოეთ ამერიკის ეპისკოპოსმა საბამ აღავლინა — მრევლს ღვთისმშობლის წილხვდომილობის ხატისა და წმინდა გაბრიელ ბერის წმინდა ნაწილების მოლოცვის შესაძლებლობა მიეცა.
საქართველოს საპატრიარქო განცხადებას ავრცელებს
საქართველოს საპატრიარქო 14 ოქტომბერს სამთავროს მონასტერში აღვლენილ ღვთისმსახურებასთან დაკავშირებით გავრცელებულ ინფორმაციას გამოეხმაურა და საეკლესიო თანამსახურების წესზე განმარტება გაავრცელა.