თბილისის 72-ე საჯარო სკოლაში ილია II-ის ხსოვნას მიძღვნილი საღამო გაიმართა სახელწოდებით ,,ღმერთი, სამშობლო, ადამიანი”

ღონისძიება ,,ღმერთი, სამშობლო, ადამიანი”

თბილისის 72-ე საჯარო სკოლაში გაიმართა შემოქმედებითი საღამო სახელწოდებით „ღმერთი, სამშობლო, ადამიანი“, რომელიც სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის ხსოვნას მიეძღვნა.

ღონისძიება განსაკუთრებული თარიღის — საქართველოში ქრისტიანობის სახელმწიფო რელიგიად გამოცხადების 1700 წლისთავის აღსანიშნავად მოეწყო. საღამოს ფარგლებში მოსწავლეებმა წარმოადგინეს ლიტერატურული, მუსიკალური და შემოქმედებითი ნომრები, რომლებიც ეროვნული და სულიერი ღირებულებების მნიშვნელობას ეძღვნებოდა.

შემოქმედებით საღამოში მონაწილეობდნენ თბილისის 72-ე საჯარო სკოლის უფროსკლასელები და ღირებულებითი განათლების კლუბის წევრები. ღონისძიების მონაწილეებმა ისაუბრეს რწმენის, სამშობლოს სიყვარულისა და ადამიანის როლის შესახებ თანამედროვე საზოგადოებაში.

აღსანიშნავია, რომ პროექტი „ღირებულებითი განათლება“ საქართველოს საპატრიარქოს საზოგადოებასთან ურთიერთობის სამსახურის ორგანიზებითა და საქართველოს განათლების, მეცნიერებისა და ახალგაზრდობის სამინისტროს მხარდაჭერით ხორციელდება. პროექტის მიზანია ახალგაზრდებში ეროვნული, კულტურული და სულიერი ფასეულობების გაძლიერება და პოპულარიზაცია.

მართლმადიდებელ ჟურნალისტთა კავშირი წერდა, ლომისობის შესახებ დეტალური მსჯელობა.

წაიკითხეთ ასევე