თბილისის სასულიერო აკადემიისა და სემინარიის სტუდენტები ქუთაის-გაენათის ეპარქიას ესტუმრნენ
თბილისის სასულიერო აკადემიისა და სემინარიის სტუდენტები ქუთაის-გაენათის ეპარქიაში
19 მაისს თბილისის სასულიერო აკადემიისა და სემინარიის სტუდენტებს გასვლითი ხასიათის ლექცია-სემინარები ჩაუტარდათ ქუთაის-გაენათის ეპარქიაში. ასეთი სასწავლო-შემეცნებითი ღონისძიება ყოველწლიურად იმართება თბილისის სასულიერო აკადემიისა და სემინარიის რექტორის, პროტოპრესვიტერ გიორგი ზვიადაძის კურთხევითა და საქართველოს ისტორიის კათედრის ხელმძღვანელის, პროფესორ სერგო ვარდოსანიძის ორგანიზებით.
სასულიერო სემინარიის, ქრისტიანული ფსიქოლოგიისა და ქრისტიანული ხელოვნებათმცოდნეობის ფაკულტეტების სტუდენტებმა მოილოცეს ბაგრატის ტაძარი, გელათისა და მოწამეთას მონასტრები და ქუთაისის წმ. გიორგის ეკლესია.
გზად ქუთაისისკენ ექსკურსანტებმა მოილოცეს, ასევე, უბისის მონასტერი და დაათვალიერეს უბისის წმ. გიორგის სახელობის ტაძრის უნიკალური კედლის მხატვრობა.
წინასწარ მომზადებული მასალის საფუძველზე რამდენიმე სტუდენტი მეგობრებს ესაუბრა ზემოხსენებული კულტურული ძეგლების ისტორიის, ხუროთმოძღვრებისა და კედლის მხატვრობის შესახებ.
სტუმრებს გელათში საგანგებოდ დახვდა ქუთაისის სახელმწიფო უნივერსიტეტის პროფესორი, ისტორიის დოქტორი, ლაშა დეისაძე-შარვაშიძე, რომელმაც კიდევ უფრო ღრმად გააცნო სტუდენტებს ქუთაის-გაენათის ეპარქიის ისტორია და მისი ღირსშესანიშნაობანი.
წმ. გიორგის ტაძრის მოლოცვის შემდეგ ტაძრის მღვდელმსახური, დეკანოზი გიორგი ჟორჟოლიანი, სტუდენტებს ესაუბრა სასულიერო განათლების მნიშვნელობის შესახებ.
ექსკურსია ტრაპეზით დასრულდა.
თბილისის სასულიერო აკადემიასა და სემინარიაში ხშირად იმართება ასეთი სასწავლო-შემეცნებითი ღონისძიებები, როგორც საგანმანათლებლო პროცესის შემადგენელი ნაწილი.
მართლმადიდებელ ჟურნალისტთა კავშირი წერდა, თბილისის სასულიერო აკადემიასა და სემინარიაში ილია II-ისადმი მიძღვნილი ყოველწლიური სამეცნიერო კონფერენცია გაიხსნა.
წაიკითხეთ ასევე
თბილისში წმინდა ნინოს ეკლესიის რეაბილიტაცია იგეგმება
შიო ჩიტაძის ქუჩაზე მდებარე ისტორიული ტაძრის პროექტი კონსტრუქციული მდგომარეობის გაუმჯობესებას, დაზიანებების აღმოფხვრასა და ავთენტური სახის შენარჩუნებას ითვალისწინებს.
სვეტიცხოვლის სარეაბილიტაციო სამუშაოების მომზადებაში იტალიური კომპანია ჩაერთო
კულტურის მინისტრი მაია ბითაძე ტაძარში არსებულ მდგომარეობასა და დაგეგმილ სამუშაოებს ადგილზე გაეცნო — კვლევები საერთაშორისო ექსპერტებისა და ქართველი სპეციალისტების მონაწილეობით წარიმართება.
მეუფე გიორგი: „ტექნოლოგია უნდა ემსახურებოდეს ადამიანს და არა პირიქით“
მარნეულისა და ჰუჯაბის ეპისკოპოსი ციფრული ფულის საკითხზე ფართო საზოგადოებრივი განხილვის, პირადი ცხოვრების დაცვისა და ნაღდი ფულის გამოყენების შესაძლებლობის შენარჩუნების აუცილებლობაზე საუბრობს.
მიტროპოლიტმა იოანემ წმინდა კვიპრიანესა და იუსტინას ტაძარში პარაკლისი აღასრულა
ღვთისმსახურება წმინდა დიდმოწამეთა დავით და კონსტანტინე მხეიძეების, მღვდელმოწამე კვიპრიანესა და ქალწულმოწამე იუსტინას ხსენების დღეს გაიმართა.
ფილადელფიაში სვეტიცხოვლობა საზეიმო ღვთისმსახურებით აღინიშნა
საღმრთო ლიტურგია ჩრდილოეთ ამერიკის ეპისკოპოსმა საბამ აღავლინა — მრევლს ღვთისმშობლის წილხვდომილობის ხატისა და წმინდა გაბრიელ ბერის წმინდა ნაწილების მოლოცვის შესაძლებლობა მიეცა.
საქართველოს საპატრიარქო განცხადებას ავრცელებს
საქართველოს საპატრიარქო 14 ოქტომბერს სამთავროს მონასტერში აღვლენილ ღვთისმსახურებასთან დაკავშირებით გავრცელებულ ინფორმაციას გამოეხმაურა და საეკლესიო თანამსახურების წესზე განმარტება გაავრცელა.