პრეზიდენტმა მიხეილ ყაველაშვილმა საპატიო სტუმრებს პრეზიდენტის სასახლეში უმასპინძლა
პატრიარქი შიო მესამე, საქართველოს პრეზიდენტი მიხეილ ყაველაშვილი და ჩეხეთისა და სლოვაკეთის მიტროპოლიტი, მისი უნეტარესი როსტისლავი
საქართველოს პრეზიდენტმა მიხეილ ყაველაშვილმა, მისი უწმინდესობის აღსაყდრებასთან დაკავშირებით საქართველოში ჩამოსულ დელეგაციებსა და საპატიო სტუმრებს პრეზიდენტის სასახლეში უმასპინძლა.
პრეზიდენტის ადმინისტრაციის ინფორმაციით, შეხვედრას ჩეხეთისა და სლოვაკეთის მიტროპოლიტი, უნეტარესი როსტისლავი, ასევე ალექსანდრიის, რუსეთის, სერბეთის, ბულგარეთის, ელადის, ალბანეთის, პოლონეთისა და უკრაინის მართლმადიდებელი ეკლესიების წარმომადგენლები ესწრებოდნენ.
პრეზიდენტის სასახლეში იმყოფებოდნენ სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი, უწმინდესი და უნეტარესი შიო III, ახალციხისა და ტაო-კლარჯეთის მიტროპოლიტი თეოდორე, ფოთისა და ხობის მიტროპოლიტი გრიგოლი, ზუგდიდისა და ცაიშის მიტროპოლიტი გერასიმე, გორისა და ატენის მიტროპოლიტი ანდრია, მარგვეთისა და უბისის ეპისკოპოსი მელქისედეკი, ნიკორწმინდელი ეპისკოპოსი ვახტანგი, ბოლნელი მთავარეპისკოპოსი ეფრემი, დეკანოზი ანდრია ჯაღმაიძე და საქართველოს ეკლესიის პროტოპრესვიტერი გიორგი ზვიადაძე.
შეხვედრაზე განსაკუთრებული ყურადღება დაეთმო მართლმადიდებლური ფასეულობების მნიშვნელობას თანამედროვე მსოფლიოში. აღინიშნა, რომ არსებული გამოწვევების ფონზე მართლმადიდებელი ეკლესიების როლი მშვიდობის, ჰუმანიზმისა და ტრადიციული ღირებულებების დაცვის საქმეში კიდევ უფრო იზრდება.
პრეზიდენტმა მიხეილ ყაველაშვილმა სტუმრებს ასევე მადლობა გადაუხადა საქართველოს კათოლიკოს-პატრიარქის, უწმინდესისა და უნეტარესის ილია II-ის გარდაცვალებასთან დაკავშირებით გამოხატული თანაგრძნობისა და მხარდაჭერისთვის.
მართლმადიდებელ ჟურნალისტთა კავშირი წერდა, საქართველოს პატრიარქის, შიო მესამეს სიტყვა ოჯახის სიწმინდის დღეს.
წაიკითხეთ ასევე
იერუსალიმის პატრიარქმა უარყო შობის 25 დეკემბერს აღნიშვნის წინადადება
იერუსალიმის პატრიარქმა უარყო შობის საყოველთაო აღნიშვნის ინიციატივა და დაადასტურა იულიუსის კალენდრის დაცვა.
ლატალში წმინდა იონა წინასწარმეტყველის ხსენების დღე საზეიმოდ აღინიშნა
მესტიისა და ზემო სვანეთის მიტროპოლიტმა ილარიონმა იენაშის უძველეს ტაძარში საღმრთო ლიტურგია აღავლინა და ფარჯიანების გვარი დალოცა.
მეუფე სვიმეონი წმინდა დიმიტრი ყიფიანის სახელობის საპატრიარქო სკოლას ეწვია
სურამისა და ხაშურის ეპისკოპოსმა მოსწავლეები დალოცა, მათ ახალი სასწავლო გარემოს შესახებ მოუსმინა და უკეთესი მომავლისთვის ერთობლივი ზრუნვის მნიშვნელობაზე ისაუბრა.
მიტროპოლიტმა სტეფანემ ცხეთის წმინდა გიორგის ტაძარში საღმრთო ლიტურგია აღავლინა
ცაგერისა და ლენტეხის ეპარქიის დალოცვის ფარგლებში, მღვდელთმთავარი ქვედა ცაგერის სკოლაში ადგილობრივ მოსახლეობას შეხვდა.
გორისა და ატენის ეპარქიას მოსკოვის საპატრიარქოს დელეგაცია ეწვია
29 სექტემბერს ეპარქიას ვოლოკოლამის მიტროპოლიტი ანტონი (სევრიუკი), მოსკოვის საპატრიარქოს საგარეო საეკლესიო ურთიერთობათა განყოფილების წარმომადგენლები და პატრიარქის მრჩეველი სტუმრობდნენ.
ციხისჯვარში საღმრთო ლიტურგია ბერძნულ ენაზე აღესრულა
წმინდა დიდმოწამე თეოდორე ტირონის სახელობის ეკლესიაში ღვთისმსახურებას ადგილობრივი მრევლი და ბორჯომიდან ჩასული მომლოცველები დაესწრნენ.