ცნობილია მე-14 გაფართოებულ კრებაზე ჩრდილოეთ ამერიკის ქართული ეპარქიიდან დელეგატთა სია

ეპისკოპოსი საბა — ჩრდილოეთ ამერიკის ეპარქიის მღვდელმთავარი

საქართველოს მართლმადიდებელი ეკლესიის მე-14 გაფართოებულ კრებაზე მონაწილე ჩრდილოეთ ამერიკის ქართული ეპარქიის დელეგატთა სია გამოქვეყნდა. დელეგაციაში შედიან როგორც სასულიერო პირები, ისე ერის წარმომადგენლები და მონასტრების წევრები.

მთავარხუცესად წარმოდგენილია დეკანოზი პავლე ზაქარაია, ხოლო დიაკვნის რანგში კრებაში მონაწილეობას მიიღებს დავით ბაჩიაშვილი. ერისკაცთა წარმომადგენელია გოჩა ბაჩიაშვილი, რომელიც ასევე ეპარქიის ადმინისტრაციული საბჭოს წევრია.

კრებაზე დელეგატებს წარადგენენ ეპარქიის მონასტრებიც. ტრედველის მაცხოვრის ხელთუქმნელი ხატის სახელობის მამათა მონასტრიდან მონაწილეობენ მღვდელმონაზონი ირინეოსი (შენგელია), რომელიც ადმინისტრაციული საბჭოს წევრია, და მღვდელმონაზონი იერონიმე (ქათამაძე), ეპარქიის მდივანი.

პოკონოს წმინდა ქეთევან დედოფლის სახელობის დედათა მონასტრიდან კრებაში მონაწილეობას მიიღებენ იღუმენია ტაბითა (ურუშაძე) და მონაზონი დარია (არჩვაძე).

მე-14 გაფართოებული კრება საქართველოს მართლმადიდებელი ეკლესიისთვის მნიშვნელოვანი მოვლენაა, სადაც აირჩევენ საქართველოს 142_ე პატრიარქს.

შეგახსენებთ, რომ 28 აპრილს წმინდა სინოდის სხდომაზე არჩეული იქნა სამი საპატრიარქო კანდიდატი: საპატრიარქო ტახტის მოსაყდრე სენაკისა და ჩხოროწყუს მიტროპოლიტი შიო (მუჯირი); რუის-ურბნისის მიტროპოლიტი იობი (აქიაშვილი) და ფოთისა და ხობის მიტროპოლიტი გრიგოლი (ბერბიჭაშვილი).

მართლმადიდებელ ჟურნალისტთა კავშირმა დაწერა, რომ პაფოსის მიტროპოლიტის არჩევნები მაისის ბოლომდე გაიმართება - კვიპროსის მთავარეპისკოპოსი.