გივი მიქანაძე: აღდგომის დღესასწაული იმედის, ერთიანობისა და განათლების ღირებულებების გაძლიერების სიმბოლოა

განათლების მინისტრი გივი მიქანაძე. ფოტო: განათლების სამინისტრო

საქართველოს განათლების, მეცნიერებისა და ახალგაზრდობის მინისტრმა გივი მიქანაძემ აღდგომის ბრწყინვალე დღესასწაული მიულოცა მოსწავლეებს, მშობლებს, პროფესორ-მასწავლებლებს, მეცნიერებსა და განათლების სფეროს წარმომადგენლებს.

მისი განცხადებით, იესო ქრისტეს აღდგომა არის იმედის, სიყვარულისა და სიკეთის გამარჯვების სიმბოლო, რომელიც თითოეულ ადამიანს ძალას მატებს უკეთესი მომავლის რწმენითა და ურთიერთთანადგომით იზრუნოს ქვეყნის გაძლიერებასა და გამთლიანებაზე.

მინისტრმა განსაკუთრებული ყურადღება გაამახვილა განათლების სისტემის როლზე ახალგაზრდებში ისეთი ღირებულებების ჩამოყალიბებაში, როგორიცაა ურთიერთპატივისცემა, ერთიანობა და სოლიდარობა. მისი თქმით, სწორედ ამ ფასეულობების გაძლიერება არის მნიშვნელოვანი ძლიერი სახელმწიფოს მშენებლობისთვის.

გივი მიქანაძემ ასევე აღნიშნა, რომ საზოგადოება ამ აღდგომას კათოლიკოს-პატრიარქ ილია მეორის გარეშე აღნიშნავს, თუმცა საქართველომ უწმინდესის სახით ზეციურ მფარველი შეიძინა.

მინისტრმა მოსახლეობას ჯანმრთელობა, კეთილდღეობა და წარმატებები უსურვა.

მართლმადიდებელ ჟურნალისტთა კავშირმა დაწერა, ათონის მთაზე, ყუთლუმუსში, გაიმართა „ღირს არს“ ხატით მსვლელობა.