ბიბლეისტიკის კათედრაზე იესო ქრისტეს უდაბნოში გამოცდის თემაზე სემინარი გაიმართა

დეკანოზი გიორგი გუგუშვილი. ფოტო: თბილისის სასულიერო აკადემია

2026 წლის 1 აპრილს, ბიბლეისტიკის კათედრის ორგანიზებით, ჩატარდა შემეცნებითი ხასიათის ყოველკვირეული სემინარი, რომელიც მიეძღვნა იესო ქრისტეს უდაბნოში გამოცდის ეპიზოდის თეოლოგიურ განმარტებას.

სემინარზე მოხსენებით წარდგა სასულიერო სემინარიის I კურსის სტუდენტი ნიკოლოზ გოგოლაძე. მან წარმოადგინა თემა: „იესო ქრისტეს გამოცდა უდაბნოში (მთ. 4.1-11 / მრკ. 1.12-13 / ლკ. 4.1-14 მონაკვეთების ძირითადი განმარტებანი)“. მომხსენებელმა სახარებისეული ტექსტების საფუძველზე მიმოიხილა სხვადასხვა თეოლოგიური ხედვა და განმარტება, რომლებიც საგულდაგულოდ ჰქონდა დამუშავებული. მისი გამოსვლა გამოირჩეოდა შინაარსობრივი სიღრმითა და საკითხის საინტერესო პრეზენტაციით.

სემინარს ხელმძღვანელობდა ნაშრომის ხელმძღვანელი — დეკანოზი გიორგი გუგუშვილი, თეოლოგიისა და ისტორიის დოქტორი, პროფესორი. ღონისძიებას უძღვებოდა ბიბლეისტიკის კათედრის დოქტორანტი და ახალი აღთქმის პედაგოგი რევაზ მუჯირიშვილი.

სემინარს ესწრებოდნენ სასულიერო სემინარიის პედაგოგები და სტუდენტები, რომლებმაც აქტიურად მიიღეს მონაწილეობა განხილვაში. შეხვედრის ბოლოს მომხსენებელმა დამსწრეთა კითხვებს ამომწურავად და დამაჯერებლად უპასუხა.

მართლმადიდებელ ჟურნალისტთა კავშირი წერდა, მთავრობა საპატრიარქოს საგანმანათლებლო დაწესებულებებს 43 მილიონ ლარზე მეტს გამოუყოფს.